CNE Presiza Kontrola Atividade Parpol

DILI - Atividade partidu politiku oras nee komesa lao namanas tama suku no sai suku, ho objetivu hodi konsolida no re-estrutura militante no simpatizante iha baze hasoru eleisaun 2017.

Tuir Deputada Bankada CNRT, Bendita Moniz Magno dehan, ohin loron atividade partidu politik komesa lao makas, maibe partidu politik balun halo sosializasaun hanesan modelu kampania.

Ita haree partidu politik komesa lao makas, maibe ita haree atividade partidu politik balun lao hanesan modelu kampania tanba nee Komisaun Nasional Eleisaun (CNE) presiza kontrola,” dehan Bendita ba STL iha PN-Dili, Sesta (16/09/2016).

Bendita haktuir, tuir lolos parpol sira halo sosializasaun halo kontaktu eleitoral iha baze nee bele, labele halo kampania tanba seidauk tempu halo kampania. Nia rekoinese katak, partidu politiku balun neebe mak halo atividade sosializasaun no kontaktu eleitoral mak halo hanesan kampania, tuir nia haree durante nee CNE seidauk fo sansaun tan nee husu presiza haree.

Iha sorin seluk, Observador Politiku, Hugo Lorenco dehan, durante nee ita haree katak partidu politik balun halo atividade sosilaizasaun partidu nian iha baze, maibe balun halo fali atividade partidu politik modelu hanesan kampania. Informasaun kompletu iha STL Jornal no STL Web, edisaun Sabado (17/9/2016).Raimundo S. Fraga

Suara Timor Lorosae