Kantores Timoroan tempu besik compete iha D’Academy Ásia 2

DILI - Tuir orario ne’ebé ajenda ona , Eventu Dangdut Akademy ASEAN 2  iha studio Indonesiar Jakarak , sei hahu abertura iha loron 23 Outobru fulan oin.

Tuir karta ofisial  ne’ebé  Eto-Telco asimu hosi Indosiar , iha kontestanten nain 6,  maka ekipa juri hosi Indosiar selesionadu ona, hafoin selesaun praudisi hala’o iha Timor Plaz foin lalais, hanesan  Auria Isaura Laura do Santos Cancio, Auxiliadora A. da Costa Bria Vilela, David Cesar Gusmão de Oliveira, Marcos de Araújo de Deus, Maria Vitoria da Costa Borges No Jerry Kong.

“Tuir karta ofisial ne’ebé ha’u simu hosi Indosiar iha loron 13, iha rezultadu audisi foin lalais hala’o iha Timor Plaza, ekipa juri hosi Indosiar hili , kontestante na’in 6, no kontestante sira sei tuir abertura ba audisi Dangdut Akademy ASEAN 2 iha loron 23 Outobru  iha estudio Indosiar Jakarta, “ Informa Edmundu Freitas Jerente Eto- Telco ba jornalista iha nia servisu Fatin Delta (16/09)

Jerente  Eto –Telco hatutan , akomodasaun ba kontestante nain 6 ho ekipa juri na’in rua  ho komentador na’i  ida maka Anito Matos sei responsabiidade hosi Indosiar.

“Tan ne’e,  kona bá akomodasaun,   husu ba kontenstan sira atu labele duvidas, tan indosiar sei tau konsiderasaun ho responsabilidade másimu. No iha oportunidade ne’e hato obrigadu wain ba maluk timor oan sira durante akompañia eventu refere,” Edmundu dehan.

Ekipa juri hosi Timor Leste mak hanesan Didinho  Marcal, Jose Manuel Mesquita. Komentator nain ida Anito Matos, Tan ne’e hosi orario ne’ebé iha, iha loron 16 Outrobu kontenstante na’in 6 sei desloka hosi Timor Leste ba Jakarta.

“sira sei tama iha karantina durante semana ida, no finál abertura ba eventu ne’e, realiza iha loron 23 outrobru,” Edmundo informa.

Kuaze nasaun 6, inklui Timor Leste maka sei partisipa iha eventu Palku preveleju ne’e. iha loron 24 tama iha fase eliminisaun, sé maka  liu ho ne’ebé maka la liu, hili dalan fila.

“Ita hein, ita nia kontestante na’in 6 bele hatudu performa diak no espera bele hetan sorte diak.

“Hanesan nasaun foun ha’u orgulhu, tan ita bele partisipa iha eventu mega ne’e, tan ne’e ha’u lakon ou mana laiha kestaun, importante bele hetan apresia no ba futuru sei hetan premu iha eventu sira preveleju hanesan  ne’e,” nia dehan.

Kontestante na’in 6 mak hanesan, Aura Isaura Laura do Santos Cancio, Auxiliadora A. da Costa Bria Vilela, David Cesar Gusmão de Oliveira, Marcos de Araújo de Deus, Maria Vitoria da Costa Borges no Jerry Kong.(Max)

Timor Post