PM timoroan garanti katak "stock" ai-moruk sira iha nasaun hanesan sufisiente

Iha loron-segunda ne'e, primeiru-ministru timoroan garanti ona katak "stock" hosi ai-moruk sira iha nasaun hanesan sufisiente, kumpri kritériu internasional sira, no ezekutivu hakarak hadi'a no hametin jestaun di'ak hodi sosa ai-moruk sira hosi Estadu.

Rui Maria de Araújo esplika ona ba ajénsia Lusa katak iha rezerva sira ai-moruk importante sira nune'e mós iha nível estraga nian, Timor-Leste "iha dalan di'ak", kumpri padraun sira hosi Organizasaun Mundial Saúde nian (OMS) ba nasaun sira iha nível dezenvolvimentu hanesan.

Governante ko'alia hafoin hakotu reuniaun ida, ne'ebé akompãna hosi ministra Saúde, Maria do Céu Costa, ho responsável sira hosi Serbisu Autónomu Ai-Moruk sira nian no Ekipamentu sira Saúde nian (SAMES), empreza públiku ne'ebé funsiona hanesan farmásia sentral nasaun nian.

"Agora daudaun, no iha ne'ebé maka hanoin ba futuru, ami iha padraun nia laran. Ida ne'ebé maka la halo parte iha padraun sira hanesan rezultadu hosi kompras emerjénsia sira ne'ebé halo iha tinan 2013 no 2014, hosi ai-moruk sira ne'ebé hafoin ne'e la uza iha nesesidade nasaun nian", nia esplika.

Tinan ne'e, Orsamentu Estadu timoroan nian ba ai-moruk sira iha média ida ba dolar haat tuir ema ida, metade hosi referénsia internasional ba dolar ualu ba ema ida iha nasaun sira ne'ebé ho dezenvolvimentu hanesan ho Timor-Leste nian.

Maski nune'e, Rui Araújo garanti ona, katak tanba kumpri padraun sira relasionadu ho rezerva konfirma ona katak Timor-Leste iha "dalan di'ak".

"Padraun "stock out" internasional, espesial liuliu iha nível ba fasilidade dahuluk sira saúde nian, iha nasaun sira ho nível dezenvolvimentu hanesan ho Timor-Leste, maka 60%. Ita iha nível médiu ida 12% nune'e ita iha dalan di'ak ida", nia hatete.

"Maibé ami tenki haree fali kestaun orsamentu nian ba ai-moruk sira iha tinan hirak tuirmai ne'e, bazeia ba ami nia kapasidade jestaun nian", nia esplika.

'Stock out' relasionadu ho persentajen ai-moruk importante sira, defini iha baze padraun hosi moras sira iha nasaun, ne'ebé tenki iha armazen sentral sira ka distrital sira maibé agora daudaun laiha ka sukat falta hosi rezerva sira nune'e bainhira barak liu nia situasaun sei aat liu.

Maski Timor-Leste iha nível médiu ida 'stock out' nian hamutuk 12%, agora daudaun besik ba 30%, hanesan motivu ida hodi husu reforsu orsamentu nian.

Iha semana hirak ikus ne'e, deputadu sira hatudu preokupasaun sira kona-ba falta ai-moruk sira no destruisaun hosi ai-moruk sira ne'ebé ho nia prazu hotu.

Nune'e iha loron-segunda ne'e xefe Governu, Rui Araújo - ne'ebé iha loron-tersa hala'o viajen ba Singapura ba 'check up' médiku ida - vizita SAMES hodi analiza situasaun no rona pedidu adisional ida ba dolar millaun rua hodi sosa ai-moruk sira.

Rui Araújo esplika ona katak folin ne'e sei la gasta hotu tanba 'stock' maka 88% hosi nesesidade previstu sira, bele nune'e hala'o kompras ona ho orsamentu 2017 nian, ne'ebé agora daudaun debate hela iha Parlamentu Nasional.

SAMES, instituisaun públiku ida ho autonomia finanseiru, administrativu no patrimonial, ne'ebé sosa ai-moruk sira iha estranjeiru, rai no fahe ai-moruk sira to'o iha munisípiu sira.

Iha munisípiu sira, distribuisaun ne'e halo hosi delegasia sira saúde nian ne'ebé lori ai-moruk sira ba sentru sira saúde nian no ba postu sanitáriu sira.

"Distribuisaun ne'e halo ho dalan regular no di'ak. Depende mós ba ai-moruk sira bainhira to'o. Ami sosa hotu iha estranjeiru, ami la halo ai-moruk ida iha-ne'e no prosesu sira sosa nian mós lori tempu", nia esplika.

Nos municípios, a distribuição é feita pelas delegacias de saúde, que os levam aos centros de saúde e postos sanitários.

SAPO TL ho Lusa