GOVERNU SEIDAUK HATENE FIFA ATU BLACKLIST AKTIVIDADE FUTEBOL TL

Sekretariu Estadu Juventude no Desportu (SEJD), Leovigildo  Hornai hateten, to’o oras ne’e nia parte  seidauk simu informasaun kona-ba Federation International Football Association (FIFA) atu blacklist modalidade futebol iha Timor Leste.

“Ha’u la iha informasaun ba ida ne’e, imformasaun oifisial ba ida ne’e ha’u seidauk hetan husi Federasaun Footbool Timor Leste (FFTL), ha’u mós sei konvoka enkontru ida ho federasaun iha tempu besik,”esplika Leovigildo Hornay ba jornalista, iha Palasiu Governu, Tersa (20/12).

Governante ne’e haktuir, sei iha vizita estrutura federasaun nian sei sai ba iha ambitu jogu sira AFC nian.

“Ha’u sei iha enkontru ho federasaun sira hodi hetan informasaun ne’e husi sira, tanba ita labele koalia antes informasaun sira ne’e iha. Ami mós hein katak,  saida mak informa husi FIFA ho AFC rasik ba iha situasaun ida ne’e,” haktuir Leovigildo Hornay.

Nia dehan, husi parte sira nian seidauk adianta informasaun ruma tanba sei halo lai enkontru ho FFTL.

“Ha’u mos sei halibur tan informasaun sira ne’ebé mak iha liu husi media sosial liu-liu fontes-fontes ne’ebé kridibel para depois ita bele asegura kona-ba informasaun ne’e kredibel ka lae,”esplika Leovigildo Hornay.

Antes  ne’e   fo sai ona   katak,  iha  tempu besik FIFA sei blacklist   futebool iha Timor-Leste,  tantu iha nivel nasional rejional no  internasional, tanba FFTL komete irgularidade  naturalizasaun  jogadores  estranjeirus  husi Brasil.avi

Jornal Nacional