Hamos Pensaun Vitalisia, Taur: “Ami Agora Hafuhu Malu Hanesan Busa-Laho”

CAIRUI - Debate hodi hamos Pensaun Vitalisia neebe oras nee Parlamentu Nasional deskuti iha  Komisaun Eventual, Prezidente Republika Taur Matan Ruak konsidera Orgaun Estadu hafuhu malu hanesan Busa ho laho.

Informasaun nee Prezidente Republika Taur Matan Ruak fo sai Wainhira hatan Preokupasaun Cosme Urbano neebe husu estadu kona ba insentivu, tamba mandatu remata ona, Lideransa suku mos eleitu liu husi elisaun.

Tuir Cosme Katak Tinan oin Prezidente mos hanesan Eis Prezidente, oras nee lideransa suku neebe la re-eleitu hodi asumi kargu eis lideransa komonitaria karik iha insentivu ba eis liderensa komonitaria.

Oras Nee ami Eis Xefi suku tinan oin, Prezidente Republika Mos ami bolu Eis Prezidente karik neebe hetan Pensaun maibe ami mos iha direitu atu hetan insentivu tamba ami mos liu husi elisaun,” dehan Cosme iha Sesaun husu no hatan entre Prezidente Republika Taur Maran Ruak ho povu suku Cairui, Segunda (19/12/2016).

Hatan ba Prekupasaun nee Prezidente Republika Taur Matan Ruak hatete Pensaun ba Eis titulares no eis membru Orgaun Soberanu sira atu hamos, tan lideransa sira mos ejiji insetivu nee sai problema boot.

Iha fatin hanesan Xefi Joventude suku Cairui, Julio da Costa husu estadu atu fo apoiu komputador ba joven sira iha suku Cairui nunee bele tuir formasaun hodi kontribui ba prosesu dezenvolvimentu neebe lao iha rai laran. Informasaun kompletu iha STL jornal no STL Web, edisaun Kuarta (21/12/2016). Timotio Gusmao

Suara Timor Lorosae