quarta-feira, 21 de dezembro de 2016

Ivo: Prezidente Fo Indultu, Presiza Paraser Husi MP Ho TD

DILI – Ulun Boot Igreja Katolika Roma, Papa Fransisco husu ba Prezidente Republika Timor Leste Taur Matan Ruak, atu tama ba natal no tinan foun, perdua prizoneiru sira nia sala, hodi fo indultu Prizonerius sira neebe maka iha Prizaun.

Ba kestaun nee Ministru Justisa Ivo Valente dehan, wanhira fo indultu ba prizoneiru ruma, tenke paraser mai husi Ministeriu Publiku (MP) no Tribunal Distrital (TD) sira, mesmu ulun boot igreza maka husu.

Ita atu fo indultu ba Prizounerus sira presiza paraser husi Ministeriu Publiku, Tribunal Distrital sira, nee tuir prosedementu lei foun nia, agora sei iha prosesu hela, tanba ida nee Prezidente Republika nia kompetensia atu deside,” dehan Ivo hafoin remata, enkontru Konsellu Ministru, iha Palasiu Governu, Tersa (20/12/2016).

Ministru Justisa Ivo mos aumenta tan katak atu aprezenta dadus prizoneiru sira neebe atu hetan indultu, sei liu husi nia atu atu berifika, foin entrega ba Prezidente atu fo indultu, tanba fo indultu nee kompetensia Prezidente Republika nia.

Iha parte seluk Ativista Luis do Rego hateten prizoneirus sira iha prizaun, barak maka kometer krimi hanesan oho ema, violensia seksual, nauk ten niklui sira koruptor sira. Informasaun kompletu iha STL jornal no STL Web, edisaun Kuarta (21/12/2016). Joao Anibal

Suara Timor Lorosae

Sem comentários: