DILI,
(TATOLI) – Poeta, kompozitór no eskritór timoroan, Abe Barreto Soares
propoen no sujere ba Arkivu no Múzeu Rezisténsia Timor-Leste (AMRT) hodi tau
konsiderasaun ba Klibur Dadolin Tarakama, akronimu husi foho Taroman, Ramelau,
Kablaki no Matebian hodi hamanas ahi poetíku.
“Se
ha’u-nia proposta ne’e simu. La simu mós labuat ida, ha’u dada fila fali no
ha’u halo fali iha fatin seluk”, poeta Abe Barreto aprezenta iha nia
intervensaun ba atividade entrega prémiu ba manan na’in konkursu poezia ne’ebé
organiza husi AMRT hodi komemora aniversáriu da-18 konsulta populár, 30 agostu
iha AMRT, horseik.
Poeta
ne’ebé hanesan mós dosente ida iha Universidade Nasionál Timor Lorosa’e (UNTL)
ne’e apela, hamutuk hakat ba oin, la’o, halai no semo iha mundu poétiku ne’ebé
furak.
Prontu
kualker hora, prontu atu hato’o saida mak bele atu ita bele serbisu hamutuk atu
lori nasaun ne’e ba oin.
“Tuir
ha’u-nia haree ho neon na’in, matenek nabilan, isin moris laran luak iha sikun
ida. Segundu mak espíritu nasionalizmu no patriotizmu”, akresenta linguísta
timoroan ne’ebé iha esperiénsia sai júri ba atividade literatura.
Diretór
ezekutivu AMRT, Hamar Antoninho Babtista Alves hatan ba proposta no
rekomendasaun dehan, AMRT kaer metin tan konsidera atu hetan fini foun presiza
koopera hamutuk.
“Ha’u
agradese ba rekomendasaun ba profesór no Abe Barreto, proposta ita nian ne’e
ita kaer tanba ita-nia oan, ita-nia alin sira atu sai di’ak ba futuru, ita
tenke koopera hamutuk ba prepara sira nafatin nune’e ita bele hetan fini di’ak
ba nasaun”, katak.
Nia
reforsa, kompetisaun no atividade literatura ne’e la’ós kestaun, importante mak
manan hamutuk iha esperiénsia ida ne’ebé lori ita ba futuru. “Ida ne´e mak
importante”, konklui hodi fó esperansa katak ba oin AMRT sei organiza nafatin
eventu sira ne’ebé identiku ba loron istóriku no nasionál Timor-Leste nian.
Jornalista:
Rafy Belo | Editora: Rita Almeida
Foto:
Poeta, kompozitór no eskritór timoroan, Abe Barreto Soares
Sem comentários:
Enviar um comentário