DILI,
(TATOLI) – Lori Bankada Partidu Libertasaun Popular (PLP), DeputaduMerício
Juvenal Akara, fó parabéns ba agrikultór kafé iha Timor-Leste tan horisehik,
Domingu (01/10) mundu selebra loron mundiál ba kafé.
Akara
husu sétimu governu konstitusionál atu fó atensaun mós ba agrikultór kafé sira
iha Timor-leste.
“Orgullu
mós ba ita nu’udar nasaun ki’ik maibé ita nia kafé lori ita nia naran ba mundu
internasionál, ne’e duni agora ba oin ita konsidera karik loron 1 Outubru bele
konsidera hanesan loron mundiál ba kafé ne’ebé mós bele selebra iha Timor
liu-liu ita nia agrikultór kafé sira,” Mericio fó hanoin iha Plenária
Parlamentu Nasionál, Segunda (01/10).
Bainhira
selebra loron 1 Outubru, ita bele fó atensaun ba agrikultór kafé sira oinsá ho
produsaun, prosesu fa’an folin di’ak ka lae, oinsá ho merkadu atu ita halo
promosaun di’ak liután iha nivel rejionál no mundiál, nune’e bele ka lae Estadu
no Governu fó atensaun ba kestaun ne’e.
Tuir
nia observasaun loron mundiál kafé (horisehik) iha nasaun barak ne’ebé sai
produtór kafé, sira selebra loron refere ho atividade ida-idak ho nia
agrikultór sira.
“Lá
haluha fó parabéns ba agrikultór kafé iha Ermera, Maubisi, Maubara, Letefoho no
fatin seluk ne’ebé iha plantasaun kafé tanba horisehik loron mundiál ba sira nó
mós ba nasaun sira ne’ebé iha produsaun no esporta kafé,” Akara tatoli.
Timor
mós ita iha plantasaun kafé no esporta maski ho kuantidade ki’ik, maibé produsaun
kafé tama ona STARBUCKS ne’ebé koñesidu iha mundu.
Ho
realidade hirak ne’e nia husu atu Parlamentu Nasionál fó hanoin ba governu hodi
tau atensaun ba agrikultór kafé, tanba durante ne’e kafé nain sira ladún hetan
atensaun.
Entretantu
realidade hatudu katak, kafé orijinál Timor ho naran EAST TIMOR TATAMAILAU
agora daudauk ho limitadu iha loja STARBUCKS sira iha Estadus Unidus Amérika
(EUA) no Canada.
Jornalista:
Julia Chatarina | Editór: Manuel Pinto
Foto:
1 Outubru Loron Mundial Kafe. Foto: Otten Magazine
Sem comentários:
Enviar um comentário