PNTL Halo Tuir Deit Lei no Orden

DILI - Relasiona ho preokupasaun publiku konaba lei armas brankas no arte marsias neebe kontinua akontese iha rai laran, no polisia ladun halo kontrolu, komandu jeral Polisia Nasional Timor-Leste Julio Hornay hateten polisia laos halo lei, maibe exekuta lei neebe maka iha ona.

Tuir Komandante Jeral PNTL komisariu Julio da Costa Hornay katak Relasiona ho grupu armte marsiais nebe maka kontinua halo aktividade illegal, ida nee laos polisia maka maka fraku halo kontrolu.

“Ita hatene katak lei ba iha regula ida nee iha ona polisia tenke halo tuir lei hodi exekuta lei nebe maka iha ona, tamba nee polisia laos halo maibe polisia nee exekuta lei,” dehan Komisariu Julio, ba jornalista sira hafoin remata enkontru semenal ho Prezidente Republika Francisco Guterres Lú Olo, iha palasiu Prezidensial Bairo Pite, Kinta (5/10/2017).

Nia dehan lei sira neebe maka governu tenta kria ba aktividade arte marsiais nee polisia exekuta deit. Komadante Jeral PNTL Julio mos dehan kuandu PNTL exekuta lei nee hodi hetan  grupu arte marsiais balun polisia sei halo kapturasaun.

Komisariu Julio dehan relasiona ho kestaun sira nee maka husi parte Prezidente Republika Francisco Guterres Lú Olo nia hare, xefi estadu sei koalia ho Prezidente Tribunal Rekursu, bainhira Prezidente Tribunal Rekursu halo enkotru ho nia. 

Natalino Costa | Suara Timor Lorosae