Husu Konsensia Parpol Hakotu Krize Politika, Hamosu Hanoin Foun

DILI - Frente Dezenvolvimentu Demokratiku (FDD) husu ba Partidu Politiku (parpol) iha loron Natal ida nee oinsa hamutuk atu hakotu ona krizi politika neebe akontese oras nee dadaun. Loron Natal no tinan foun iha nafatin harmonia no pas.

Lia fuan hirak nee hatoo husi Reprezentante FDD Abano Ramkambia ba STL iha nia rejisdensia Quintal-boot Dili Sesta, (22/12/2017). Nia dehan tan katak ema hotu espera nafatin katak Natal no Tinan foun mai sei mezmu parpol sei hasoru dezentendementu maibe buat neebe povu tomak hakarak maka taun interese povu no dignidade povu as liu.

Natal kmanek ida nee ami husi FDD hakarak hato ba lideransa parpol hotu espesialmente jeralmente povu Timor tomak. Katak simu Natal kmanek nee ho pas haromnia iha dame nia laran,” nia kualia.

Diretor Kumpania Bobveni. Lda Epifanio Faculto nia esperansa iha loron Santo Natal ida nee nia prinsipiu maka lori dame no pas ba dezenvolvimentu nasaun nee ba oin. Tanba nee maka husu ba lideransa politika sira atu hamutuk hakotu ona polimika politika neebe oras nee mosu iha rai laran.

Nunee moos ba tinan foun mai atu lideransa sira hakotu ona konfliktu, odi vigansa ba malu hametin nafatin dame no pas ba ema hotu. Nunee moos atu hamosu hanoin foun, esperitu foun enerjia foun ba iha tina 2018 atu lori dezenvolvimentu ba TL. 

Justinho Manuel | Suara Timor Lorosae | Foto: GMN TV