Mina Maran, Krizi Ekonomia Sei Mosu

DILI - Timor Leste (TL) agora depende makas liu ba fundus petroliferu, maibe iha tempu badak mina koandu maran, konserteza krizi ekonomia sei mosu iha TL nia leet.

Tuir Direitu Ezekutivu ONG Luta Hamutuk Mericio Akara katak mina besik maran, tamba nee governu tenki investe iha seitor non petrolifera, seitor non petrolifero maka hanesan turismu, fabrika Aifuan, fabrika ikan lata no seluk tan, para atu sustenta ekonomia kiik sira. Nune mos agrikultura baziku para faselita komunidade sira, para dezenvolve ekonomia rai laran.

Se nafatin depende Minarai, problema sei mosu, tamba iha 2021 iha presezaun mina sei maran no fundu minarai mos atu hotu, needuni ita tenki hahu agora la bele hein too 2021 krizi ekonomia ona maka foin ita koalia, ami fiar katak 2021 nee krizi ekonomia sei kona TL, tamba  obsaun la iha, kecuali antes 2021 nee governu iha obsaun kedas katak se lain mina nee, agora redementu maka ida nee ka mian matan foun agora ita esplora ona 2021 ita troka ona bayu Undang ho Kitang, nee bele se la iha krizi mosu duni,” hateten Akara, ba STL iha nia kanar fatin, Farol, Dili, Tersa (22/09/2015).

Tuir Vice Ministru Finansas Helder Lopez hateten TL durante nee kontinua uza osan husi fundus mina rai nian, hodi dezenvolve povu no nasaun ida nee.

Nune mos Pekizador ONG Lao Hamutuk Juvinal Dias hateten Governu nia deklarasaun konaba mina sei menus, maibe kontinua uza osan husi fundu mina rai nee politika governu nia. Informasaun kompletu iha STL Jornal no STL Web, edisaun Kuarta (23/9/2015). Joao Anibal

Suara Timor Lorosae