Diretur-Xefi Laos Patraun Maibe Servidor

DILI - Kargu Direitur no Xefi Unidade laos atu manda hanesan patraun, maibe atu sai servidor hodi lidera serbisu loron-loron nian.

Komisariu Anti Korrupsaun (KAK), Aderito Tilman hatete, sai direitur no xefi unidade sira laos atu manda hanesan patraun ida maibe atu servi no lidera iha serbisu loro-loron nian, dehan nia  iha serimonia tomada de pose ba direitur no xefi unidade foun KAK nian.

Direitur no xefi unidade sira laos atu manda hanesan patraun ida, maibe atu servi no lidera serbisu loron-loron nian hodi halao misaun KAK para atinzi objektivu final neebe ita presta ona iha planu estratejia KAK nian husi tinan 2012 too 2020,” tenik Komisariu, nee ba STL, Kinta (15/10), iha edifisiu KAK, Farol, Dili.

Aderito hatutan, loron ohin importante tebes ba iha istoria KAK, liu-liu segundu mandatu 2014 too 2018 hodi hirarkia masimu ba KAK. Hakarak kongratula mos ba pesoa espesialista Anti Korupsaun (EAK) hirak neebe hetan nomeasaun, laos deit promosaun ba sira nia kareira ka pozisaun maibe aumenta naha todan no responsabilidade boot hirak neebe sei koko sira nia kapasidade, transparansia, asertividade, no integridade iha sira nia asaun tuir valor xave hirak neebe estipula ona iha planu estratejiku KAK nian.

Iha fatin hanesan Komisariu Komisaun Funsaun Publiku (KFP), Olandina Caeiro hatete, knar ida Komisaun Anti korupsaun nee laos fasil, knar ida neebe defisil no nakonu ho riskus. Maibe nudar komisaria KFP fiar ema sira neebe espritus dos melhores entre os melhores. Informasaun kompletu iha STL Jornal no STL Web, edisaun Sabado (17/10/2015). Domingas Gomes

Suara Timor Lorosae