Iha
21 Outobru 2014, Konsellu Ministru (KM) aprova Loron Nasionál kultura monu iha
14 Outobru tanba ne’e koresponde ba loron moris Saudozu Francisco Borja
da Costa.
Sekretária
Estadu Arte no Kultura (SEAK ), Maria Isabel de Jesus Ximenes hateten tinan ida
ne’e estadu no governu marka Loron Kultura Nasionál sai hanesan loron
importante ba kultura hotu-hotu nu’udar hanesan uma fukun Timor-Leste
nian.
“Hili
loron nasionál kultura tanbasá maka tau hotu poeta ka poezia ba palestra
pintura? Tanba saudozu Borja da Costa maka sai poeta boot ida palestra, pintura
no tinan ida ne’e hili poezia tanba ne’e atu omenajen ba saudozu Borja da
Costa,” Isabel dehan iha Loron Kultura Nasionál iha salaun CCD, Caicoli, Díli,
Kuarta (14/010/015).
Nia
haktuir katak kultura nasionál nu’udar identidade timoroan nian ne’ebé hori
uluk hori wa’in kedas beiala sira rai hela mai ita jerasaun sira no sei la
nahas no sei la mihis maske ohin loron kultura estranjeiru barak mai tama
Timor.
“Timor,
rai ida ne’ebé ki’ik maibé lian barak. Haree de’it ida ne’e mós diferensa ho
nasaun sira seluk iha mundu. Iha mós hahan tradisionál sira, tais, dansa
kultura, dadolin no tebe-tebe. Sira maka ita nia kultura. Problema ruma sempre
nahe biti boot maka rezolve. Ne’e hatudu katak oin seluk. La hanesan ho nasaun
sira seluk. Lalika tauk! Kuandu ita hamutuk kultura sei la lakon,” Isabel
tenik.
Entretantu,
Xefi Komisaun Organizadora, Carlos de Jesus Freitas informa katak só Oe-Cusse
de’it maka la partisipa iha loron kultura ne’e tanba okupadu ba preparasaun
loron Proklamasaun Independénsia no eventu tinan 500 Portugés tama iha Timor
iha 28 Novembru tinan ida ne’e.
Iha
loron kultura ne’e mós iha kompetisaun lee poezia hosi labarik sira no
atividade sira seluk tan. Ba manán na’in sira, Sekretária Estadu Isabel dehan,
sira sei la fó tasa ba manán na’in sira tanba la fó valór ba labarik sira nia
dignidade.
“Labarik
sira esforsu án ona to’o mai kipitál, Komisaun Organizadora sei prepara prémiu
maka osan atu nune’e labarik sira bele uza hodi responde ba nesesidade rasik,”
nia esplika.
Atividade
ba loron kultura ne’e hala’o durante loron tolu no finannsia hosi Sekretaria
Estadu Arte no Kultura rasik ne’ebé ho montante orsamentu $30 mil.
Iha
loron kultura ne’e mós lansa livru rua maka hanesan livru ba Uma Lisan Kultura
Ainaro no Patrimóniu Orijin Portugés ninian.
Entretantu,
Getrudis Amaral sente kontente no apresia tanba ai manán na’in ba kompetisaun
palestra iha tinan ida ne’e. “Ne’e hanesan milagre ida ba ha’u tanba ha’u la
espera iha domingu rua de’it bele sai vensedora primeiru ba palestra,” nia
dehan ho sentimentu kontenti.
Nia
dehan ema ne’ebé ba nia importante teb-tebes maka ninia mestre tanba durante
ne’e nia maka fó suportasaun barak ba nia. (mj8)
Matadalan
Sem comentários:
Enviar um comentário