DILI
- Parlamentu Nasional (PN) halo diskusaun I votasaun ba proposta resolusaun no
17/III (3a), retifikasaun akordu entre Republika de Timor Leste ho Santa Se.
Ministru
Negosiu Estranjeiru Hernani Coelho hatete, nee prosesu normal neebe hatete iha
lei, I buat sira hanesan so iha validade depois de ratetifikasaun husi
Parlamentu Nasional.
Hau
lori aktu nee de faktu mai aprezenta iha diskusaun ida ke intersante, tamba
deputadu sira foti kestaun lubuk ida neebe iha relasaun ho edukasaun, relasaun
ho patermoniu, relasaun ensinu relijiaun katolik iha eskola ninian no mos iha
relasaun ho buat sel seluk neebe mak relasiona kazu kriminais inklui relasaun
impostu,” dehan Hernani, ba jornalista sira hafoin remata ratefikasaun akordu
Timor Leste ho Santa Se iha PN, Dili, Segunda (26/10/2015).
MNE
Hernani hatete, diskusaun ida neebe produktivu iha opiniaun barak, mais iha
final deputadu sira vota afavour ba aktu nee. Konkordata Timor ho igraja
Katolika tuir MNE Hernani katak, desde igreja katoliku tama iha Timor, servisu
ona ho igreja katoliku iha aspektu sosiais, kulturais, saude, dezemvolvimentu
no seluk tan.
Iha
fatin hanesan Presidente Komisaun B (PN) asuntu Estranjeiru, Defesa e Seguransa
Nasionais, deputadu David Dias Ximenes hatete, igreja formadu ema sai Padres.
Nunee
mos Vise Presidenti Parlamentu Nasional, Aderito Hugo da Costa hatete, kestaun
nee tenke define klaru konaba kontinuasun obrigasaun Estadu atu hare papel
igreja nian neebe boot iha tempu ukun rasik aan nee. Informasaun kompletu iha
STL Jornal no STL Web, edisaun Tersa (27/10/2015). Carme Ximenes
Sem comentários:
Enviar um comentário