LABELE FO SALA FETO

Diretora Rede Feto Timor Leste Dinorah Granadeiro hatete, mentalidade feto soe bebe ne’e laos kulpa feto de’it, maibe mane sira mos sala, tamba laiha responsabilidade.

“Hau husu ba feto maluk sira atu labele fiar mane sira ne’ebe mak laiha moral no responsabilidade tamba maioria mane buka gostu de’it hodi hadomi iha minutu 30 de’it” diretora Rede Feto Dinorah Granadeiro, fo mensagen ba feto Timor Leste iha nia kna’ar fatin Obrigado Barak Segunda (25/1).

Relasiona ho mentalidade feto soe bebe ne’e diretora Rede Feto Timor Leste esplika ne’e feto ho mane sala hotu nune’e labele fo sala de’it ba feto sira, maibe mane mos sala, tamba mane laiha moral no responsabilidade, tamba hakarak buka gostu de’it.

Tuir diretora nia hatene klaru katak, soe bebe ne’e krime,maibe mane mak laiha responsabilidade moral , tamba feto mesak mos nia labele kous, tenki ho mane, nune’e dala barak mane sira hatete dehan “Hau hadomi o hau gosta o” ho lia fuan oin oin de’it to’o ikus mai ema nia oan isin rua mane hala’i lakon,no haruka feto tenki hemu aimoruk abortus.

Tamba ne’e nu’udar diretora Rede Feto husu ba   feto sira atu labele fiar liu mane laiha moral no responsabilidade, tamba   maioria mane gosta toba hodi buka gostu de’it nune’e labele fiar mane badiu sira.

“Hau la gosta feto maluk sira ne’ebe sempre klaim feto sira ne’ebe mak soe bebe klaru katak soe bebe ne’e krime maibe mane sira mak laiha responsabilidade moral hodi buka gostu de’it   to’o ikus ema nia oan feto kous tenki   haruka abortus,” tenik nia.tos

Jornal Nacional