DILI
- Reprezentante Povu iha uma Fukun Parlamentu Nasional (PN) aprova lei
Administrasaun Eleitoral ho votus maioria afavor, tan nee Sidadaun Timor oan
neebe mak hela iha Estranjeiru bele partisipa iha elisaun Jeral 2017.
Deputadu
bankada Fretilin Joaquim dos Santos katak Parlamentu aprova ona final global
lei resensiamentu Eleitoral, maske antes nee iha regra balun maibe ladun
profundu mais agora lei neebe parlamentu aprova iha ona regra bazika.
Lei
nee ita tau Artigu ida fo margen governu bele halo elisaun iha rai liur,
hanesan iha embaixadu no konsuladu elisaun iha rai liur nee governu sei kria
ekipa ida hodi servisu hamutuk ho embaixador sira iha liur atu rezistu sidadaun
Timor oan sira neebe iha estranjeiru,” dehan Joaquim ba Jornalista, Kuarta
(17/02/2016) iha PN.
Nia
hatete atu rejistu sidadaun sira iha rai liur nee problema ida mak dupla
sidadania, maibe sidadaun Timor oan sira iha Indonesia ladun problema tamba
Indonesia la aseita Dupla Sidadania, mais iha nasaun sira Europa Timor oan
lubuk ida maibe identidade laos Timor deit.
Iha
fatin hanesan Deputadu Bankada PD Virgilio Hornai hatete lei resensiamentu
eleitoral nee substansia hanesan, atu halo resensia sidadaun neebe mak idade
tinan 17 leten iha direitu siviku ba elisaun.
Nune
mos Vice Ministru Administrasaun Estatal Tomas Cabral hatete Timor oan iha rai
liur atu hili tamba nee lei resensiamentu eleitoral, PN halo ona aprovasaun
final global hodi haruka ba iha Prezidente Republika. Informasaun kompletu iha
STL Jornal no STL Web, edisaun Kinta (18/2/2016). Timotio Gusmao
Suara
Timor Lorosae
Sem comentários:
Enviar um comentário