Ekipa
Cacusan Clube de Futebol FC manan ekipa Santa Cruz ho golu 5 á 2 liu husi jogu
kontra atake iha segunda divizaun Liga Futebol Amadora (LFA) ne’ebé hala’o iha
estadiun munisipal Dili, Kuarta (09/03/2016) horseik.
Marco
Cabiay, Moses Banggon, nomos Elvis Harewan núdar jogador estranjeiru
(Indonesia), konsege hatudu sira nia kualidade jogu profesional iha jogu kontra
atake entre sira klube Cacusan Clube de Futebol FC kontra St. Cruz FC.
Kontra
atake entre klube rua husi grupu B ne’e hahu jogu primeira parte, lalais deit
la’o iha menutu 5 nia laran, bola pasa ne’ebé mak oferese husi jogador Moses
Banggon (95) ne’e, hetan aproveita diak husi jogador Octavio Soares (17) hodi
konsege marka primeiru golu ne’ebé furak tebes ba redi Santa Cruz FC ne’ebé mak
guarda husi Vasco da Gama (1).
Primeira
golu husi ekipa Cacusan FC, iha menutu badahuluk aumenta jogador sira nia
mentalidade, hodi kontinua oferese bola perigu ba ekipa Santa Cruz.
Esforsu
ne’ebé másimu ne’ebé mak halo husi ekipa Cacusan FC, hetan rezultadu diak
hafoin liu tiha menutu 4, avansadu jogador estranjeiru Moses Banggon (95) marka
golu ba daruak iha menutu 9 hafoin konsege liu guarda redi Vasco da Gama.
Golu
avansadu Banggon halo maluk jogadores ekipa nia mentalidade sa’e liutan hodi
halo kontra no atake bebeik liu husi kampu liman karuk no los ho bola ne’ebé
furak.
Iha
menutu 23, defeza Central Marco Cabiay (94), marka golu ba datolu hafoin
aproveita bola barulho iha area perigu ekipa Santa Cruz FC, hodi lansa no suta
kedas ba redi Vasco da Gama.
Jogador
Avansadu Banggo (95) hatudu tebes nia klualidade jogu núdar avansadu ne’ebé
lasala fihir no hola husi Cacusan Clube de Futebol FC, tanba nia hatudu talentu
ne’ebé furak tebes husi golu ne’ebé maka nia halo hafoin konsege fintas Vasco
da Gama antes hatama bola ba redi Santa Cruz iha menutu 25.
Ekipa
Santa Cruz foin hetan golu primeiru iha menutu 40, liu husi suta penati hafoin
arbitro Adão Fonseca, tanba hare katak bola suta ne’ebé maka oferese husi
jogador Manuel Gumaraes (9) konsege kona liman husi defeza Jacson Baptista (4).
Hortencio
Fonseca (8) ne’ebé maka foti pinalidade ne’e realiza nia fungsaun ho diak,
hafoin bola ne’ebé maka nia suta ne’e konsege tama ba parte liman los redi
Cacusan FC, ne’ebé guarda husi Luis Julio da Silva (1).
Ho
golu refere, konsege hasa’e maluk jogadores nia mentalidade, maibe situasaun
ida kontinua aproveita diak husi jogador ekipa Cacusan FC, hodi aumenta bola ba
redi Santa Cruz FC iha menutu 45 hafoin bola pasa ne’ebé maka lansa husi meiu
kampu Elvis Herawan (15) konsege ho golu husi jogador suplente José Boavida
ne’ebé tengki substitui (troka-red) nia maluk Banggon tanba hetan aleja iha ain
parte lós.
Enkuantu
jogu primeira parte ne’e remata ho rezultadu golu 5 á 1, no arbitu lian hodi
deskansa provizoriamente iha menutu 15.
Tama
ba jogu segunda parte nian, ekipa rua ne’e kontinua halo kontra take no hahu
halo mudansa jogu, maibe lakleur deit mosu asidenti entre jogador estranjeiru
Elvis Herawan (15) ho defeza ekipa St. Cruz Zeca da Costa (5) hodi provoka situasaun
barullu entre jogador ekipa rua ne’e, entaun árbitu Adão Fonseca ne’ebé núdar
juiz iha kampu laran foti desizaun kartaun mean ba jogador nain rua, ne’ebé
simu ho kritika husi adeptus balun Cacusan FC, tanba konsidera katak desizaun
ne’e lalós.
Liu
tiha ekipa rua ne’e lakon ninia jogador nain ida, jogu kontra atake ladun iha
mudansa ne’ebé siknifikante, jogadores ekipa Cacusan FC rasik hetan
oportunidade barak atu auemnta golu maibe oportunidade ne’e la la fungsiona ho
diak husi jogador hanesan Octavio Soares (17) nomós Salvador Tan (21).
Jogadores
ekipa Santa Cruz FC konsege minimiza golu iha menutu 48, liu husi jogador
Francisco de Araujo (7). Tanba ne’e mak kontra atake entre ekipa rua ne’e
remata jogu segunda parte ho rezultadu final mak ekipa Cacusan FC hetan golu 5
no ekipa St. Cruz FC hetan golu 2. Ito
Jornal Nacional
Sem comentários:
Enviar um comentário