Filme “Ferro em Brasa” Sei Transmite iha Kanál TV CPLP

DÍLI, (ANTIL) - Filme dokumentáriu “Ferro em Brasa” husi Licínio de Azevedo, sei transmite iha programa Nossa Língua iha kanál televizaun Comunidade dos Países da Língua Portuguesa(CPLP) hanesan Angola, Brasil, Cabo Verde, Guiné Bissau, Moçambique, Portugal, São Tome Principé no Timor-Leste.

Dokumentáriu ne’e, tuir informasaun ne’ebé ANTIL hetan, Tersa (22/11), alende ko’alia kona-ba personajen Moçambique nian iha sira-nia pré-indepededénsia, nu’udar mós fotografia no memória nasaun ne’e, iha períodu koloniál to’o iha fin funu sívil, pós-indepedénsia ne’ebé Ricardo Rangel hasai iha tinan 1960 ba istória Moçambique nian.

Iha filme ne’e, fotógrafu inagura espozisaun ho lansamentu livru fotográfiku, ne’ebé lori sidade ne’ebé nia moris ba, tantu hamutuk ho belun sira, iha dalan ka iha nia uma, hamutuk ho nia kompañeira enkuantu sei konta mós pasajen importante iha nia moris.

Dokumentáriu “Ferro em Brasa”, nu’udar personajen fotojornalista Moçambicano, Ricardo Rangel, jornalista dahuluk (la’os ema mutin), ne’ebé envolve iha ekipa informativa Moçambique nian iha tempu koloniál.

Ninia trajetória, la’ós de’it nu’udar ezemplu no modelu ba jerasaun fotógrafu sira ne’ebé sei tuir mai, maibé mós, iha Sentru Formasaun Fotógrafika, nia kontinua prepara profisionál sira ba iha prátika fotógrafia no fotojornalizmu. Jornalista Ricardo Rangel produz imajen sira ne’ebé ho valór la sukat no sai kolesaun fundamentál iha fin dékada 1960 iha istória Moçambique nian.

Ricardo Rangel, nu’udar símbolu ba jerasaun dékana 1940 iha Moçambique no nu’udar fotógrafu dahuluk, ne’ebé mak kontra esplorasaun koloniál nian iha tempu ne’ebá. Nune’e mós fó sai kona-ba aktu kontra umanidade no krueldade kolonializmu nian iha périodu kolonilazasaun.

Filme dokumentáriu “Ferro em Brasa”  ne’e produz iha 2016 ho diresaun husi Licínio de Azavedo no Koprodusaun husi Ebano Multimédia / LX Filmes. Enkuantu transmisaun ba filme dokumentáriu ne’e iha Timor-Leste, sei fó sai husi kanál Rádiu Televizaun Timor-Leste (RTTL) iha kada Domingu, tuku 19h00 oras Timor-Leste. Filme ne’e mós bele asesu iha link https://www.youtube.com/watch?v=x9dBbURgT6s (Jornalista:Rafy Belo/Editor: Otelio Ote)