DILI
– Tribunal Distrital Dili (TDD) la konsege hatun despaisu ba arguida
Emilia Pires tanba tribunal la prense kolektivu juiza Fransisca Cabral moras.
Liu
husi sala audensia tribunal hatete, tribunal labele hatun despaisu tanba la
prense kolektivu, juiza Fransisca Cabral moras. Hodi nunee suspende fali
audensia nee iha loron (25/11) tuku 9:30 dader.
Antes
nee tribunal fo tan tempu loron ualu ba arguida Emilia atu legaliza relatoriu
medicu iha dokumentus hahu iha loron (5/11) too (11/11) maibe arguida la kumpri.
Ho ida neemak tribunal atu foti desizaun hasoru arguida iha loron ohin. Maibe
tanba la prense kolektivu tribunal sei kontinua fali iha loron (25/11).
Tuir
akuzasaun husi Ministeriu Publiku katak, iha loron 9 de Fevereiru de 2011
arguida Madalena Soares, haruka karta VMS/PM/11/50 ba Primeiru Ministru
atu husu fundu audisional ida Ministeriu Saude ba alojamentu no alimentasaun
mediku cubanu sira. (600,000 USD) unidade kardiolojia no hematolojia (400,000
USD) no kama ortopedika atus ida (100) (400.000 USD). Primeiru Ministru
despaisa oinsa pedidu nee haruka ba Ministeriu Finansas.
Iha
loron 6 de Fevereiru 2011, liu husi ofisiu No. 203/GPM/II/2011, arguida Emilia
Pires simu informasaun husi despaisu Primeiru Ministru nian. Iha loron 29 de
Marsu 2011, arguida Emilia Pires liu husi ofisiu 104/GMF/III/2011 fó,
pareser kona-bá pedidu audisional orsamentu formula husi arguida Madalena
Soares.
Arguida
sira halo prezuizu ida ba estadu hanesan ho kama sira maka sosa nia folin karun
no la utiliza tan , material la bele utilizatan ne’e nu’udar kaiza direita no
nesesaria hosi sira nia hahalok arguidu sira halakon ona osan estadu ho
prezuizu iha ho osan hosi dolar amerikanu rihun atus ualu sanulu resin ida hat
nulu (U$ 811.040,00). Informasaun kompletu iha STL Jornal no STL Web, edisaun
Kinta (17/11/2016). Domingas Gomes
Suara
Timor Lorosae
Sem comentários:
Enviar um comentário