DILI –
Reprezentante povu iha uma fukun Parlamentu Nasional (PN) husi bankada
Fretilin, deputadu Joaquim dos Santos lamenta tebes ho hahalok Emilia Pires
neebe mak kontinua la hatudu ezemplu ba povu no estadu Timor Leste, hodi hases
an husi justisa Timor Leste.
Tuir
nia katak iha konstituisaun RDTL liliu iha artigu 16 alinea 1 deskreve katak,
ema hotu iha lei nia okos no iha obrigasaun hodi obedese ba orgaun estadu nian,
hodi bele hatan iha tribunal hodi garante justisa iha rai laran.
Eis
Ministra Finansa, Emilia Pires la hatudu ezemplu neebe mak diak ba povu no
estadu Timor Leste liliu iha sistema judisial,” dehan deputadu Joaquim ba STL,
iha uma fukun Parlamentu Nasional, Kuarta (16/11/2016).
Nia
hatutan, tribunal iha kbiit atu foti desijaun em nome povu no estadu Timor
Leste hodi hasoru ba sidadaun se deit mak halo krime iha Timor Leste. Tamba
nee, arguida Emilia Pires la respeita desijaun tribunal hatudu katak la
respeita povu no estadu Timor Leste.
Iha
fatin ketak, tuir Diretor Judicial System Monitoring Programme Luis de Oliveira
Sampaio katak JSMP hare nuudar analiza pesoal bele dehan katak arguida Emilia
Pires la fila ona mai iha Timor Leste, tamba durante nee tribunal no Ministeriu
Publiku la konsege antesipa mak halo analiza neebe mak diak no profundu ba kaju
arguida Emilia Pires nian.
Nia
hatutan, kuandu Emilia Pires fila fali mai iha Timor Leste nee hametin liu tan
sistema judisial. Maske nunee, ba ema boot sira iha dalan barak atu bele halai
mak hanesan imunidade, estadu fo indultu no iha posibilidadde sel-seluk tan.
Informasaun kompletu iha STL Jornal no STL Web, edisaun Kinta (17/11/2016). Domingos
Piedade Freitas
Suara
Timor Lorosae
3 comentários:
Koresaun kiik ba publikasaun ne'e.
Buat ne'ebé ha'u dehan iha intervista mak hanesan ne'e:
Tuir ha'u nia analiza pesoal bele dehan katak arguida Emilia Pires sei la fila ona mai iha Timor Leste, tanba durante nee tribunal no Ministeriu Publiku la konsege antesipa atu aplik medida koasaun apropriadu tuir Kodigu Prosesu Penal aplivel.
Aleinde ne'e, ha'u dehan katak kuandu Emilia Pires la-fila fali mai iha Timor-Leste nee sei hametin no konfirma liu tan persepasaun katak justisa ne'e funsiona deit ba ema kiik sira. Ema boot sira sei maneija atu subar an ka ses an hosi previlejiu oiioin ne'ebé sira iha hanesan iha pasporte sidadania rua, subar an iha imudade nia kotuk no dalaruma bele hetan tan idultu.... Domingos Piedade Freitas
Laiha desijaun ruma husi min. Justisa ho Min. Publico atu halo servico hamutuk ho guverno nasaun nebe Arguida subar an ba ka? Pesoal ida sei labele hasoru sistema ka lei nasaun ida nian. Hau hanoin guverno iha medidas barak hodi bele kaer sra. Emelia Pires, keta kestao politaca mak lahatene los, (Maun-Alin ajuda malu)
Guverno, liu husi min. Justica ho min.Publico persija serio atende kasu ne ho didiak. Seilae lei konstitusional RDTL labale ba Lideraca politico sira....
Enviar um comentário