DILI: Dadus
ne'ebé Komisaun Nasionál Kombate HIV-SIDA Timor-Leste hetan hosi Ministériu
Saúde, hatudu katak Munisípiu Dili hetan primeira lugar hosi totál 630
sobrevivente moras HIV-SIDA.
Prezidente
Komisaun Nasionál Kombate HIV-SIDA Timor-Leste, Daniel Marcal hatete ba
olatimornews.com bainhira halo preparasaun ba selebrasaun Loron Mundial
HIV-SIDA, iha Centru Convensaun Dili (CCD), Kinta (01/12).
"Hosi
total 630 sobrevivente, ne'ebé sofre moras HIV-SIDA, Munisípiu Dili mak iha
primeiru lugar. Tuir kedas munisípiu Bobonaro, Suai, Baucau, Oekuse, Ermera no
munisípiu seluk mós komesa iha ona. Maioria da'et hosi relasaun sexu
livre," dehan Marcal.
Nia
hatutan, hosi sobrevivente sira ne'e, maioria mesak idade produtivu. Hosi idade
tinan 15 to'o tinan 25 ne'e mak kategoria foin sa'e. Hosi tinan 25 to'o tinan
44 kategoria kaben na'in.
"Kaben
nain sira mak barak kona. Tanba, sira haluha ona promesa iha igreja, tan de'it
konflitu iha uma laran hakarak buka moris iha liur. Tanba, ezijensia sexual
ne'ebé boot ne'e fasil tebtebes atu hetan HIV-SIDA," dehan Marcal. (*)
Ola
Timor - Frei Belo - Editór: Alexandre Assis
Foto:
Prezidente Komisaun Nasionál Kombate HIV-SIDA Timor-Leste, Daniel Marcal hatete
Munisípiu Dili hetan primeira lugar hosi total 630 sobrevivente moras HIV-SIDA.
(Olatimornews Foto/Frei Belo)
Sem comentários:
Enviar um comentário