Membru
Parlamentu Nasional sujere ba Komando Polisia Nasional Timor –Leste (PNTL) atu
halo reforma ba membrus ne’ebe ho idade liu ona 60, sira presiza deskansa ona.
Prezidente
Komisaun B (negosiu estrangeirus, defeza no seguransa nasionais), David Diaz
Ximenes hateten, komando presiza halo identifikasaun ona ba nia membrus ne’ebe
tama ona idade reforma, tanba durante ne’e instituisaun PNTL seidauk halo
reforma mesmu regimentu iha ona.
“Sira
presiza reforma, presiza hamutuk ho sira nia familia no estadu iha dever tau
matan ba sira wainhira sira hetan reforma ne’e,” nia hateten.
Entretantu
II Komandante Jeral PNTL, Komisariu Faustino da Costa, rekonese kestaun ne’e,
maibe iha lei ne’e la obriga instituisaun atu halo reforma ba nia membru ne’ebe
idade ona (60 anos ba leten).
Nia
esplika, iha lei ne’e hatuur momos katak bainhira instituisaun sei presiza
membru sira ne’e(idade ona) entaun sira bele kontinua servisu, maibe instituisaun
fo opsaun ba siraatu hili, sei hakarak kontinua servisu ou reforma.
“Lolos
iha lei ne’e tenke obriga, kuandu idade liu ona tenke reforma,” Komisariu Costa
hateten.
Atu
nune’e antes to’o idade 60, nia hateten membru sira ne’e prepara aan ona e wainhira
idade to’o 60 sira tenke reforma ona.
Nia
informa, komando identifika iha membru hamutuk 47 mak ho idade liu ona 60 no
presiza reforma, maibe tanba sira sei hakarak atu servisu, entaun instituisaun
la bandu.
“
Sira halo servisu administrasaun deit,” nia hateten.
The
Dili Weekly
Sem comentários:
Enviar um comentário