quarta-feira, 27 de junho de 2018

Antes Hasoru Jokowi, Lu Olo Presta Omenajen Ba Heroi Indonezia

PARTILHAR

DILI - Prezidente da Republika Francisco Guterres Lu Olo halo vizita Estadu ba Indonezia durante loron tolu nia laran, iha vizita nee Xefi Estadu sei presta omenajen ba eroi Indonezia nian iha Taman Makam Pahlawan, Kalibata Jakarta, molok hasoru malu ho Prezidente Joko Widodo (Jokowi).

Tuir komunikadu imprensa neebe STL asesu husi Palasiu Prezidente da Republika, Bairu-Pite, Dili, Kuarta ( 27/06/2018) katak, Prezidente da Republika Francisco Guterres Lu Olo, sei halo vizita Estadu ba Indonezia iha loron 27-29 Junu, hasoru malu ho nia omologu Prezidente Joko Widodo, hodi hametin liu tan relasaun entre nasaun rua.

“Hafoin hasoru malu ho niaomologu, delegasaun Timor Leste noa Indonezia sei halao inkontru bilateral, hodi kolia konaba asuntu sira neebe hametin liu tan relasaun, entre nasaun rua nee, iha vizita nee Estadu nee, nasaun rua sei asina nota entendimentu konaba evita dupla tributasaun ,” dehan komunikadu imprensa nee.

Iha vizita nee Prezidente da Republika Francisco Guterres Lu Olo, sei presta omenajen ba eroi Indonezia nian, iha Taman Makam Pahlawan, Kalibata Jakarta, molok hasoru malu ho nia omologu Prezidente Indonezia Joko Widodo iha palasiu Prezidente Indonesia iha Bogor, iha loron 28 Junu 2018.

Entretantu Ministru Negosiu Estranjeiru Dinisio Babo hateten, inkontru ho Prezidente da Republika atu haree fila fali ba faze ikus konaba ajenda neebe Xefi estadu ba sei hasoru Prezidente Jokowi, sei vizita loron ida tomak, depois iha fali loron segundu halo fali buat balu, no loraik mai kedan ona Bali para fila kedan mai Dili.

Notisia kompletu lee iha jornal STL edisaun Kinta (28062018)

Carme Ximenes | Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: