Lu Olo Husu Taur Antes Propoin Naran Tenke Fiskaliza

DILI - Prezidente da Republika Francisco Guterres Lu Olo, husu ba Primeiru Ministru Taur Matan Ruak, antes atu propoin naran kandidatu membru VIII Governu Konstitusional, atu fiskaliza didiak.

Tuir Xefi Casa Sivil Francisco de Vasconcelos hateten, Prezidente Republika Francisco Guterres Lu Olo, iha serimonia solena iha Palasiu Lahane, fo pose iha 22 Junu liuba, ba Primeiru Ministru VIII Governu Konstitusional Taur Matan Ruak.

“Prezidente da Republika mos senti no hatene katak, membru governu sira iha responsabilidade kriminal, no tenke hetan suspensaun husi servisu. Atu nunee bele ba hatan iha Tribunal, hodi nunee labele hakanek sentimentu povu nian,” dehan Xefi Casa Civil Francisco, liu husi konferensia imprensa ho jornalista sira, iha palasiu Prezidente Bairu-Pite, Dili, Kuarta (27/06/2018).

Prezidente da Republika seidauk veta ema ida nia naran iha lista neebe propoin husi Taur Matan Ruak, neebe agora halao dadaun nia funsaun konstitusional hanesan Primeiru inistru RDTL.

Iha parte ketak Xefi de Estadu Major Jeneral Forsas Armadas, Major Jeneral Lere Anan Timor hateten, prosesu impede Brigadeiru Filomeno Paixao atu asumi pasta foun nudar Ministru Defeza no Seguransa, tanba  komplikasaun iha lei, tanba nee presiza konvoka  Konsellu Superior Defeza no Seguransa atu haree prosesu nee. 

Notisia kompletu lee iha jornal STL edisaun Kinta (28062018)

Carme Ximenes | Suara Timor Lorosae