Transferénsia Fundu Minarai Halo Ona iha Maiu-Juñu

DILI, (TATOLI) – Eis Ministru Planu no Finansa, Rui Augusto Gomes, hatete Governu Konstitusionál Dahituk foin daudaun husu ona fundu minarai no halo ona transferénsia hamutuk millaun U$140.

Rui haktuir iha maiu 2018 halo ona transferénsia millaun U$70 no juñu mós iha transferénsia hamutuk milaun U$70.

“Ida ne’ebé ami husu em totál para atu aguenta mákina ida ne’e labele tama iha krize millaun 250, pur tantu foin foti  millaun 140”, Rui hatete iha Aitarak-Laran, ohin, hafoin serimónia entrega relatóriu ba Ministra Finansas en ezersísiu, Sara Lobo Brites.

Rui afirma durante ezekusaun orsamentu duodesimál nian iha Sétimu Governu tuir dadus utiliza ona osan hamutuk millaun U$403.

Jornalista: Maria Auxiliadora | Editora: Rita Almeida

Imajen: Eis Ministru Planu no Finansas, Rui Augusto Gomes. Foto/MF