Projetu Prokultura PALOP-TL sei
lansa iha loron-kuarta ne'e "konviti ida hosi euro millaun 7,8 ba
aprezentasaun hosi proposta sira" ne'ebé estimula empregu ho rendimentu
sustentável iha área kultura iha Nasaun Afrikanu sira ho Lian Ofisial Portugeza
ho Timor-Leste.
Projetu, selu hosi Uniaun
Europeia, konfinansiadu ho jere hosi Camões - Institutu Koperasaun ho Lian no
konfinansiadu mós hosi Fundasaun Calouste Gulbenkian, envolve lote tolu ba
atribuisaun hosi subvensaun sira, refere hosi komunikadu ida ne'ebé haruka ba
Lusa.
Lote dahuluk destina ba
"projetu sira emprendedorizmu iha área múzika ho arte sénika sira"
ne'ebé hala'o iha nasaun ida ka nasaun balun hosi PALOP ho Timor-Leste, ba área
sira ne'e kalkula finansiamentu sira entre euro rihun 20 no rihun 35.
Lote daruak haree ba
"projetu internasional sira dezenvolvimentu nian hosi área sira múzika ho
arte sénika" ne'ebé envolve nasaun rua ka nasaun balun hosi PALOP ho
Timor-Leste no iha finansiamentu entre euro rihun 500 no millaun ida.
Ikusmai, lote datoluk konsagra
"projetu internasional sira dezenvolvimentu nian hosi área literatura
infantojuvenil", tenki envolve nasaun rua ka nasaun balun hosi PALP ho
Timor-Leste. Ba grupu ne'e, iha finansiamentu entre euro rihun 300 no rihun
600.
Tuir nota, bele kandidata
"entidade sira hosi direitu públiku ka privadu, ho ka laiha final
lukrativu, inklui empreza sira, dezde konstitui ka rejistadu iha nasaun ida
hosi rejiaun PALOP/Timor-Leste iha pelumenus tinan rua ho atividade efetiva iha
nasaun sira ne'e no iha área kultural".
Konviti kompletu, nune'e mós
formuláriu, sei publika iha loron-kuarta ho kandidatura sira sei loke to'o
loron 09 Novembru, bele haree iha portal sira Futuros Criativos
(https://www.futuroscriativos.org/procultura/) no Camões – Institutu Koperasaun
ho Lian nian (https://www.instituto-camoes.pt/activity/oportunidades).
Ho inisiativu ne'e, Uniaun
Europeia ho parseiru sira konfinansiador sira hakarak "kontribui hodi
reforsa ekonomia kriativa ho kultural iha PALOP ho Timor-Leste, insentiva
profisionalizasaun ho transformasaun hosi área kultural iha diresaun dináminu
dezenvolvimentu nian, empregu ho inkluzaun, promove ho favorese empregabilidade
hosi feto sira ho joven sira", konklui hosi nota.
Sapo TL | Lusa
Sem comentários:
Enviar um comentário