DILI, STLNEWS.co – Xefe
Estadu Falintil Forsa Defeza Timor Leste (F-FDTL), Maior Jeneral Lere Anan
Timur afirma katak, Prezidente Republika neebe hanesan Komandante Supremu Forsa
Armadas oras nee hakmatek, tanba nia (Major Jeneral Lere-red) laiha ona
problema ho portavos RNDJK Angela Freitas.
Dehan Jeneral Fitun Rua nee ba
jornalisa, bainhira halo enkontru regular ho Prezidente Republika, iha Palasiu
Prezidente Nicolau Lobato, Bairru Pite, Dili, Kuarta (09/09/2020).
“Hau dehan ho Angela nee problema
hotu ona, tanba hau nia Komandante Supremu Forsa Armadas, ou Panglima
Tertinggi hakmatek ona entaun hau mos hakmatek ona, Angela husik koalia
tesik ba,” dehan Jeneral fitun rua nee.
Entretantu responde kona ba
deklarasaun Angela nian neebe hatete, atu lori Maior Jeneral Lere ba tribunal,
Lere hatan husik Angela lori ba.
“Angela sei selu advogadu, hau la
selu ida, hau ba mesak tanba nee imi lalika husu tan Angela mai hau,” dehan
Jeneral lere.
Lere hatutan kuandu Angela book
tan, orgaun soberania ida ou veteranus sira neebe husi ailaran tun mai mak nia
sei atua.
“Kuandu Angela book tan hau nia
orgaun soberania ida ka hau nia katuas sira mai husi ailaran hau atua nafatin,
maibe agora laiha ona ita lakon tempu fali,” katak Lere.*
Reportajen: Emerenciana Pinto | Editor: Carme Ximenes | Imajen: Alberto Menezes
Sem comentários:
Enviar um comentário