DILI,
(ANTIL) – Kroser na’in haat ne’ebé foin lalais riska bandeira Repúblika
Demokrátika Timor-Leste (RDTL) iha Munisípiu Liquiça, foin lalais ne’e, husu
ona deskulpa ba públiku.
Sira
hato’o deskulpa ne’e liu-hosi sorumutu ho Sekretáriu Estadu Juventude no
Desportu, Leovigildo Hornai, iha edifísiu Sekretaria Estadu Juventude no
Desportu (SEJD), Seonal Dili, Sesta, (5/8).
“Iha
Sesta ne’e, estrutura federasaun hamutuk ho kroser sira ne’ebé riska bandeira
hato’o ona deskulpa no halo ona juramentu iha Sekretáriu Estadu Juventude no
Desportu nia oin katak sira sei lá repete tan hahalok ne’e iha futuru”,
Sekretáriu Jerál Federasaun Motór Ciclismo de Timor-Leste (FMCTL), Vitaliano
José da Silva Leong ba ANTIL via telefone, Tersa, (9/8).
Nia
rekuñese, kazu riska bandeira ne’e espontanidade no laiha rekuñesementu hosi
federasaun.
Maske
nune’e, tuir Vitaliano, riska bandeira ne’e nia objetivu di’ak, basá hanesan
dedikasaun lembransa ba treinadór motór cross internasionál hosi Moss
Institution Austrália ho naran Greg Moss.
“Kroser
sira orgullu ho prezensa treinadór internasionál ne’e, entaun sira asina iha
bandeira RDTL para sai lembransa ba nia (treinadór)”, haktuir Leong.
Vitaliano
informa, Tersa (9/8) dader ne’e, estrutura FMCTL mós dezloka ba Polísia
Munisípiu Liquiça hodi klarifika problema ne’e ba polísia.
Akontesementu
ne’e akontese iha Lagua Masin Maubara, Munisípiu Liquiça, 24 Jullu 2016 tuku
16.00. (jornalista: Xisto Freitas ; editora : Rita Almeida)
Lee
mos iha ANTIL
Sem comentários:
Enviar um comentário