DILI,
(ANTIL) – Membru Konsellu Imprensa Hugo Fernandes hateten, Konsellu
Imprensa (KI) no Universidade Nasionál Timor Lorosa’e (UNTL) sei serbisu
hamutuk iha área tolu.
“KI
asina memorandu ida ho UNTL liliu Komunikasaun Sosiál atu serbisu hamutuk iha
área peskiza, formasaun no sertifikasaun”, Hugo informa bainhira sai oradór iha
Kampus Fakuldade Siénsia Sosiál, Kaikoli, Segunda, (8/8).
Semináriu
ho tema “Hasa’e Kualidade Laboratóriu Mídia Hodi Hasa’e Kualidade” nia hatutan,
atu sai jornalista tenke iha filozófia bázika atu garante liberdade informasaun
no komunikasaun, tanba liberdade rua ne’e nu’udar direitu fundamentál ema nian.
Nia
mós esplika, bainhira hili profisaun atu sai jornalista, labele sai “Scientific
Oriented” tanba, jornalizmu ne’e dinamizmu.
Katak
tan, nu’udar estudante tenke atualiza nafatin informasaun sira hosi li’ur.
Kona-ba
obstakulu, Hugo hatete, jornalista ohin loron falta investigasaun ba notísia.
Daruak maka konflitu interese ba dezenvolvimentu iha estrutura mídia no seluk
maka moris di’ak ba jornalista sira ladun justu.
Tanba
ne’e nia husu jornalista sira atu iha abilidade hodi utiliza meius informasaun
hodi peskiza nomós tenke iha kontrolu editorial no mídia ba moris di’ak
jornalista nian hodi hala´o serbisu.(jornalista: Rafy Belo ;
editora: Rita Almeida)
Sem comentários:
Enviar um comentário