OPSAUN FP RTTL,EP SEIDAUK HETAN SOLUSAUN

Enkontru entre Governu ho Funsionario Publiko (FP) Radio Televisaun Timor Leste, Empreza Publiku (RTTL,EP)  Sabadu (06/08)  iha edifisiu MSS, Vila Verde,  hodi koalia kona-ba opsaun nebe governu fo ba funsionariu RTTL atu desidi tuir tempo nebe determinadu, loron 15 fulan Agusto nee.

Enkontru kuaze loron ida tomak nebe involve, Sekretario Estado Comincação Sosial, Nelio Izac, Komisariu Funsaun Publikas,  Presidente Konsellu Administrasaun  RRT, ep, diretores RRTL, ep no jornalista no funsionariu adminitrasaun RRT nian  nee seidauk hetan solusaun tan nee adia ba Segunda (08/8) ohin iha edifisiu RTTL Caicoli.

 Secretario Estadu Komunikasaun Sosial (SEKOMS), Nelio Isaac Sarmento, hateten, enkontru ne’e primeiru inisiu atu esklarese ba funsionario sira sobre  politika   ne’ebe maka Konselhu Administrasaun status fusionario sira  iha RTTL.

 Nelio Isaac Sarmento hatutan,  durante enkontru ne’e iha ideas barak maka funsionario sira  hato sira nia preukupasau, sira mos  hakarak hatene kona-ba  sira nia dereitu, deveres, depois  sira mos  hakarak komprende difrensia Funsionariu Publika ho trabalhadore nee oinsa.

Preokupasaun sira nee Presidente Konselhu Administrasaun ho Presidente Funsaun Publika ho ninia Komisariu sira  esplika buat ne’ebe maka kapa’as tebes ba funsionariu sira hatene, ne’ebe  desizaun  avisu ne’e to’o iha dia 15, signifika katak, depois dia 15 hotu sira tenki  hanoin ona para oinsa bele eskolha, eskolha  hanesan FP ka hanesan  Funsionario Empreza ninian.

Husu konaba karik sei halo distribuisaun formulariu FP sira atu prense hodi eskolha sira ninia funsaun servisu?   Nelio Isaac Sarmento dehan,  ida  ne’e seidauk klaru, tanba faze tuir fali mai sei iha fali reniaun  ida entre  Presidente Konselhu  Administrasaun  ho ninia membrus sira hamutuk ho  Direktores ho Xefi Departementu sira  husi RTTL sira, inklui ho reprezentante Governu ninian.

Nelio Isaac Sarmento hateten, kuandu 15 dias maka Funsionariu sira desidi ona , Funsaun Publika hatene ona, husi ema sira  ne’ebe maka  iha RTTL  ne’e hira maka   hakarak hili nafatin hanesan Funsaun Publika,  depois  husi  ne’e mos Empreza RTTL hatene ona nain hira maka  atu kontinua servisu hanesan   funsionario Empreza ninian para depois  fo oportunidade ba  Empreza halo ninia  kalkulasaun de orsamental  para aprezenta iha Orsamentu Jeral Estadu (OJE).

Nunee Presidente Konselhu Administrasaun RTTL Milena Abrantes, hateten, total Funsionariu  ne’ebe maka oras   ne’e sei  servisu iha RTTL hamutuk 194, maibe ba iha Funsionario  ne’ebe maka kontratadu  ema nain 21.  avi

Jornal Nacional