Partidu
Frente Revolusionáriu de Timor Leste Independente (FRETILIN) garantidu sei buka
manan maioria absoluta (Mutlak) iha Eleisaun Parlamentar 2017 hodi hakat hikas
ba kaer ukun.
“2017
laiha tan seluk ne’ebé mai hasoru ita. Ba FRETILIN ita tenke buka manan mutlak
iha 2017,” Sekretáriu Jerál Partidu FRETILIN, Mari Alkatiri hato’o kestaun ne’e
iha nia diskursu enseramentu IV kongresu nasionál partidu istóriku iha Sentru
Konvensaun Díli (CCD), Domingu, 09/10/2016.
Alkatiri
dehan bainhira fila ba kaer ukun maka sei lori duni polítika, programa no planu
própriu FRETILIN nian, hanesan xave ida molok ba tur iha kadera polítku ninian.
Maske
nune’e, Alkatiri konsidera FRETILIN atu hakat to’o iha mehi manan maioria
absoluta, hanesan serbisu todan boot ida ne’ebé ema tomak iha partidu antigu
refere hulan iha kabas atu serbisu maka’as liutan hodi hakbesik to’o iha baze.
Prezidente
ZEESM sente kontente tanba depois de IV kongresu FRETILIN sei avansa duni ba
oin, nune’e iha 2017 FRETILIN atu manan maka ema hotu-hotu tenke hamutuk hasoru
dezafiu ne’ebé sei mai.
Iha
tinan 10 FRETILIN la ukun, ne’e atu hatudu katak FRETILIN fó kontribuisaun
tomak ba estabilidade no ba páz iha Timor-Leste. Nia dehan FRETILIN mós sempre
kontribui ba programa governu nian durante tinan 10.
Entretantu
Prezidente FRETILIN, Francisco Guterres “Lu-Olo” hatete IV kongresu Partidu
FRETILIN defini ona planu estratéjia ne’ebé sei lori atu avansa iha tinan 2017
hodi hasoru Eleisaun Parlamentar no Prezidensiais.
“Kongresu
ne’e ho susesu tanba delegadus sira mai iha ne’e hotu-hotu kontribui ho ideia
di’ak. Asuntu barak maka ami diskute, liu-liu kona-ba altera baa mi nia
estatutu ho manual programa no polítiku FRETILIN ninian,” Lu-Olo dehan.
Lu-Olo
fiar katak iha 2017 FRETILIN sei fila ba ukun, tanba ne’e iha IV kongresu
refere hili mós membru Komite Sentral Fretilin (CCF) hamutuk na’in 90 kompostu
hosi 65 permanente, 25 supliente, no komisaun juríku na’in 5 permanente, na’in
2 supliente. (Efrem)
Matadalan
Sem comentários:
Enviar um comentário