DILI
– Reprezentante povu iha uma fukun Parlamentu Nasional (PN) kestiona makas
konaba programa merenda eskolar, neebe mak oras nee lao iha eskola sira hanesan
balun lao no balun lalao.
Kestaun
nee lavanta husi Vise Prezidente Komisaun E trata asuntu infra-estrutura no
transporte telekomunikasaun, Manuel de Castro liu husi plenaria, PN-Dili,
Segunda (10/10/2016).
Foos
neebe iha aat hotu sira labele fo han labarik sira. Hau hanoin merenda eskolar
nee sai veteranus tia ona iha parlamentu Ida nee, iha uluk kedas mai too ohin
loron seui mosu nafatin problema Ida nee ba beikbeik,” dehan Manuel.
Manuel
haktuir, hafoin sira halo fiskalizasaun iha baze hodi hetan mestri sira iha
baze, no mestri sira levanta kestaun merenda eskolar ba sira katak merenda
eskolar sira nee foos iha osan laiha. Osan iha foos laiha.
Iha
sorin seluk, Deputada Komisaun D trata asuntu ekonomia no dezenvolvimentu,
Josefa Alvares Pereira Soares dehan, nia lakoi atu interfere iha jestaun
mekanismu komisaun neebe hanaran-an Konektil, neebe estabelese ho konkordansia
Governu nian hamutuk ho igreza atu haree konaba jestaun asuntu merenda eskolar.
Nunee
mos, Prezidente Komisaun F trata asuntu edukasaun, saude, Virgilio Hornai
dehan, problema merenda eskolar nee kontinua sai problema boot, tanba nee
Governu tenke hatudu sira nia seriedade servisu, nunee bele rezolve problema
nee ho diak. Informasaun kompletu iha STL Jornal no STL Web, edisaun Tersa
(11/10/2016). Raimundo S. Fraga
Suara
Timor Lorosae
Sem comentários:
Enviar um comentário