DILI,
(ANTIL) - Prezidenti Partidu FRENTE-MUDANÇA (FM), José Luis Guterres alias LUGU
hateten, se arguida Emilia Pires (Eis Ministra Finansas) husu atu transfere nia
kazu atu julga iha Portugal, sei fó impatu negativu ba Timor-Leste
niareputasaun no dignidade.
“Ne’e estraga Timor-Leste nia naran. Ema balun
komesa intrepreta ona, katak, justisa ne’e afinal ba ema ki’ik de’it. Ema boot
sira bele bá-mai, hodi haree buat ruma la di’ak, husu fali julgada iha fatin
seluk,” Eis Ministru Negósiu Estranjeiru José Luis Guterres esplika ba ANTIL iha
Parlamentu Nasionál (PN) Dili, Tersa (22/11).
Bainhira
akontese julgamentu Arguida Emilia Pires iha Portugal, kria situasaun ida la
di’ak. Nia kompara katak esperensia hatudu ona mai ita, eis Ministra Lusia
Lobato mós uluk ba Tribunál. Nune’e mós nia (LUGU) rasik no iha tan eis membru
governu sel-seluk tan, hanesan Joao Cansio (Eis Ministru Edukasaun).
“Eis
Ministra Lusia ba Tribunál no kondenada tan. Ne’ebé, ita hein katak situasaun
Eis Ministra Emilia mós sei la’o lei ho justu,” LUGU salienta.
Bainhira
kumpri justisa, hatudu imajen ba públiku, katak, maske eis governante, hakruk
ba justisa no hakruk ba konstituisaun da Repúblika Demokrátika Timor-Leste.
“Ha’u
fiar, justisa iha Timór. Ha’u fi’ar juiz sira no ha’u fi’ar ita-nia sistema.
Embora, buat balun ita presiza hadi’ak, mais ha’u fiar katak, sira iha
kapasidade barak para halo justisa ba ita,” LUGU gava sistema justisa Timor
–Leste ho rekursu humanus iha Tribunál.
Eis
Ministra Emilia Pires, sai arguidu tanba deskonfia uza kompetensia nudar
ministra finansa, hodi fó projeitu ba kompaña ne’ebé nia patraun nudar Emilia
nia la’en kaben. (Jornalista : Manuel Pinto/Editór: Otelio Ote)
Foto:
Jose Luis Guterres Deputadu FM
Sem comentários:
Enviar um comentário