TR Rejista PARPOL Hamutuk 30, Larekoinese PEP Hanesan Partidu

DILI – Tribunal Rekursu (TR) oras nee rejista ona partidu hamutuk 30 no Partidu Esperansa Patria (PEP) sira larekoinese hanesan partidu, tanba nee husu sira labele halo atividade partidu nian.

Informasaun nee fo sai husi Prezidente Tribunal Rekursu (PTR), Guilhermino da Silva ba STL iha nia knar fatin, Caicoli-Dili, Segunda (21/11/2016).

Partidu 30 mak rejista ona iha nee, iha mos partidu foun ida naran PEP (Partidu Esperansa Patria), nia dokumentus lakompletu nee mak hau haruka fila fali,” dehan Guilhermino.

Guilhermino haktuir, sira mai lakonsege rejistu, nee duni iha partidu 30 mak rejista ona no iha tinan 2017 partidu 30 nee mak bele kompete iha eleisaun jeral 2017 tantu eleisaun prezidensial no parlamentar.

Guilhermino sublina, ba partidu PEP neebe mak larejistu signifika tribunal rekursu larekoinese tanba nee husu sira labele halo atividade partidu nian iha baze, se sira halo nee kontra lei.

Iha sorin seluk, Komsiariu CNE, Bernardo Cardoso dehan, lista partidu politiku neebe mak oras nee iha CNE nia liman hamutuk 32 no sira nee mak sei kompete iha eleisaun 2017. Informasaun kompletu iha STL Jornal no STL Web, edisaun Tersa (22/11/2016). Raimundo S. Fraga

Suara Timor Lorosae