DILI
- Reprezentante povu iha Uma Fukun Parlamentu Nasional, lahatene Xefi Maior
Jeneral F-FDTL Lere Anan Timor, simu karta reforma husi Prezidente Republika,
para reforma iha 28 Novembru mai.
Deputadu
bankada CNRT Arao Noe hateten, nia laiha koinesimentu ba karta reforma neebe
maka Prezidente Republika Taur Matan Ruak haruka ba Xefi Maior Jeneral F-FDTL
Lere Anan Timor, maibe tuir informasaun katak, tanba momentu prolongamentu
mandatu Jeneral Lere nian tuir karta ofesial fo sai katak
ekstensaun nee to diza seis Otubru 2017.
Momentu
prolongamentu mandatu Jeneral Lere nian nee tuir karta ofesial fo sai katak to
dia diza seis de Otubru 2017, agora se iha fali karta foun ida dehan atu
reforma iha 28 Novembru hau laiha rekoinesimentu ba ida nee, tanba nee maka hau
seidauk bele fo komentariu konaba asuntu ida nee, tanba hare ba baze legal
neebe uluk mandatu ekstensaun nee to diza seis Otubru 2017, mais agora dehan
atu reforma nee husu ba Prezidente Republika maka bele responde ida nee,” dehan
deputadu Arao ba STL, iha PN, Dili, Tersa (22/11/2016).
Nia
dehan, para atu garante estabilidade iha rai laran, Xefi Maior Jeneral F-FDTL
Lere Anan Timor nia mandatu nee tenke to hotu, depois maka bele halo reforma.
Maibe agora akontese iha dalan klaran nee kabe ba Instituisaun rua Governu maka
iha kompetensia atu aprezenta reforma sira nee, desizaun husi Prezidente
Republika.
Iha
fatin hanesan Xefi bankada Frente Mudansa Jose Luis Guterres hateten nia parte
seidauk hatene konaba karta nee, maibe importante Governu ho Prezidente
Republika tur koalia hamutuk, para hetan solusaun ida neebe maka diak.
Informasaun kompletu iha STL Jornal no STL Web, edisaun Kuarta (23/11/2016). Carme Ximenes
Suara
Timor Lorosae
Sem comentários:
Enviar um comentário