JARDIM LECIDERE NAKFILAK BA FA’AN FATIN KARETA-MOTOR

Jardim Largo Lecidere ne’ebe mak tuir lolos sai fatin ba ema atu tur halimar hodi buka anin, maibe realidade hatudu oin seluk. Negosiante aproveita fatin ne’e hodi fa’an kareta no motor ba publiku

Deputada Albina Marcal Freitas nudar memebru Komisaun E ne’ebe trata asuntu Infra-struturas,Transporte dehan, motor ho kareta ne’ebe mak ema sira fa’an arbiru iha estrada ibun hanesan iha largo lisedere ,Bidau ne’e sai preukopasaun bo’ot iha Parlamentu Nasional.

‘’Dala barak ona ami problema ne’e ami sempre levanta iha plenaria, maibe Estado rasik mak la kontrolo hodi nune’e ema sira kontinua fa’an tuir sira nia harak, no ami mos sente baruk tamba dala barak ami koalia mos ninia implementa la iha no mos neneik liu,’’ kulia deputada Albina ba jornalista sira iha PN Sesta (12/06/2015).

Nia haktuir katak, Kareta sira ne’ebe mak para iha tasi ibun lolos ne’e iha fatin ketak ida spesifiku ida para tau iha ne’eba, hodi fa’an ou halo lelaun. Labele ba para hotu iha jardim ne’ebe mak halo ba ema atu tur halimar.

‘’Ita nia Ministeriu sira ne’e funsionario rbarak dala ruma sira nia implementasaun ,ba atividade kik oan sira atu halo mos para kusta,’’ kulia deputada Albina.

Iha parte seluk tan,Vice Presidente Komisaun D, Domingos Carvalho hatete , motor ho kareta sira ne’ebe mak fa’an iha Estrada ninin sira ne’e Ilegal no la iha dokumentus no iha loja legal , tanba sira fa’an iha Estrada ibun ne’e nia folin baratu liu kompara ho motor ho kareta sira ne’ebe mak fa’an iha loja, buat ida karik sira taka dalan ba loja.

‘Ita nia ministeriu kompatente mak la toma medidas ba problema sira hanesan ne’e entaun husik sira fa’an konformi sira nia hakarak, lolos ne’e Ministeriu kompotente tenki fo atensaun, diak liu forma ekipa ruma para semana –seman tenki tun ba lapangan se sira tempu la iha karik ,bele kolabora ho segurnasa sira para sira bele dudu transporte sira ne’ebe mak agora dadauk fa’an iha Estrada ibun sira ne’e,’’ haklaken deputado Domingos.

Tan ne’e deputado Domingos Ministeriu Comercio Industria Ambiente (MCIA) tenki kria politika ne’ebe mak diak hodi motor ho kareta sira ne’ebe mak fan iha estrada ninin sira ne’e tau hamutuk iha fatin ida, tanba banhira sira fa’an arbiru iha Estrada ibun sira ne’e, sira aproveta hotu fatin ba ema atu lao iha trotoar leten. nia

Jornal Nacional