DILI
- Repzentante povu iha uma fukun Parlamentu Nasional (PN) balun konsidera
kodigu sivil Timor Leste iha artigu balun hamosu diskrimisaun ba reliziaun,
relasaun ho tratamentu dokumentu kazamentu no dokumentu sira seluk.
Deklarasaun
nee fo sai husi Deputadu Bankada Fretilin Leonel Marcal katak iha lei kodigu
sivil artigu balun neebe koalia kazamentu igreza hare ba iha konstitusaun,
Artigu nee inkonstitusional tamba halo diskriminasaun ba reliziaun kiik sira
iha Timor Leste.
Hau
nia maluk reliziaun sira kuandu hodi sira nia sertidaun batizmu ou sertidaun
kazamentu legaliza iha ministeriu justisa hetan insulta makas no trata hau nia
igreja, trata hau nia pastor kuandu ba halo legalizasaun,” dehan Leonel liu
husi Sesaun Plenaria durante debate Espesialidade Orsamentu Jeral Estadu (OJE)
2016, Sesta (18/12/2015).
Nia
hatete konstitusaun fo liberdade ba ema hotu atu hili sira nia fiar tuir sira
nia hakarak rasik, maibe, halo fali lei ida hodi taka dalan atu ema labele hili
relizaun sira seluk maske iha parlamentu iha protestante nain rua no musulmanu
ida.
Iha
fatin hanesan Deputada Bankada CNRT Carmelita Moniz hatete Kodigu Sivil la halo
diskriminasaun ba kualker reliziaun, liu-liu ba asuntu kazamentu.
Ba
prekupasaun nee Prezidente Parlamentu Nasional Vicente Guterres hatete nasaun
Timor Leste la halo diskriminasaun ba ema ruma, nee labele akontese mesmu
sidadaun nasional no sidadaun estranjeiru neebe ejerse sira nia kapasidade.
Informasaun kompletu iha STL Jornal no STL Web, edisaun Sabado (19/12/2015). Timotio
Gusmao
Suara
Timor Lorosae
Sem comentários:
Enviar um comentário