FUTURU PCIC LORI PISTOLA BA TERENU

Polisia Cientifika Investigasaun Criminal (PCIC) ne’ebe hamahon án iha Ministeriu Justisa (MJ), no iha futuru sei uja pistol ba terenu bainhira halao servisu iha lokal krimi.

Diretur Nasional PCIC, Vicente Brito, afirma katak, iha lei PCIC bele uja pistola hodi bele proteje án bainhira ba iha fatin krimi, tuir lei no.15/2014, sei laiha arma laos polisia.

“Iha lei, iha dekretu lei no 15, 2014 hatete klaru katak investigador sira iha dereitu posu de arma, tanba sira ne’e polisia, ita bo’ot sira imajina polisia laiha arma laos polisia,” dehan, Vicente ba Jornalista iha ninia knar fati, Caicoli, Sesta (11/12).

Nia reforsa liutan katak, polisia identiku liu ne’e tenke iha arma, tanba nia infrenta problema iha lokal de krimi, tanba krimi sira ne’ebe ninia autor ne’e la koeñese ninia fronteira.

Nia fo ezemplu, karik iha lokal krimi akontese autor krimi ne’e uja arma ne’ebe ninia produasaun la klaru, entaun momentu ne’eba presija duni armas hodi asegura servisu investigador sira.

“Investigador ne’e tun dereita ba iha fatin akontesementu, nia tenke halo seguransa, seguransa ba ema sira iha fatin ne’e no ba ninia án, tanba nia atua dereitamente ba lokal krimi,”nia hatete.

Nia hatutan, tenke lori armas tanba iha posibilidade bo’ot autor krimi sira ne’e bele kontra ataka hasoru PCIC, tanba ne’e, iha lei hatete klaru, hanesan mos iha Portugal EPZ iha mos pistol tuir dekretu lei uja farda.

Maske nune’e nia dehan, oras ne’e dadauk sedauk uja armas, maibe orsamentu preve ona iha orsamentu jeral Estadu 2016 nian, nune’e bele atribui ba iha investigador sira.

Maibe, nia hatete, PCIC la uja farda hanesan polisia i uja sivil no la halao patroliamentu hanesan polisia, knar PCIC mak halo vizilansia. Eus

Jornal Nacional