Estudante Infermagen 27 Cristal Halo Juramentu

DILI – Estudante husi Institutu Superior Cristal (ISC), Fakuldade Enfermagen hamutuk 27 halo juramentu molok ba halao estagio iha komunidade nia leet.

Juramentu neebe mak halao hosi estudante Enfermagen Cristal nee halao iha salaun enkontru Cristal Balidi Sesta (18/18). Tuir Diretor Ezekutivu Fundasaun Cristal, Agustino dos Santos Goncalves, ba jornalista sira wainhira remata serimonia juramentu ba estudante enfermagen 27 nee hatete objetivu hosi juramentu nee atu estudante Enfermagen sira bele halao estagio tuir regulamentu neebe mak iha.

Juramentu ba sira 27 nee atu ba halo estagio iha komonidade nia let tanba juramentu nee importante tebes no durante sira hetan ona teoria tanba nee sira tenke ba kompleta sira nia estdu liu husi pratika iha komonidade nia leet no depois remata sira sei kontinua halo pratika iha hospital Nasuional Guido Valadares,” hatete Agustino.

Nia hatutan juramentu neebe mak halo ba estagiariu estudante Enfermagen ho ida nee hamutuk dala 3, hodi priense rekejitus neebe mak Cristal halo hamutuk ho Ministeriu Edukasaun nomos Ministeriu da Saude.

Iha fatin hanesan Prezidente Asosiasaun dos infremeiro Timor Leste Municipiu Dili, Santana Martins, hatete juramentu ba estudante Enfermagen sira nee hanesan programa ida neebe mak obrigatoriu ba estudante sira molok ba halao pratika iha komonidade nia leet atu nunee estudante sira bele hatene oinsa mak kaer metin segredu servisu nian.

Nunee mos ho Dekanu Fakuldade Enfermagen Institutu Superior Cristal, Paulo Lopes, mos hatete nia garante kualidade estudante sira nian wainhira ba halo estagiu iha komonidade nia let inklui halo estagiu iha sentru saude balu nomos HNGV. Informasaun kompletu iha STL Jornal no STL Web, edisaun Sabado (19/12/2015). Thomas Sanches

Suara Timor Lorosae