Banku
Aziátiku Dezenvolvimentu nian (BAD) fó sai ona akordu ida ba autorizasaun ba
Timor-Leste empréstimu adisional ida ho folin dolár millaun 76,2 hodi hadi'a
estrada sira iha nasaun ne'e.
Akordu
ne'e asina iha semana liubá hosi ministra Finansa timoroan nian, Santina Viegas
Cardoso no hosi diretór BAD nian iha Timor-Leste, Shane Rosenthal, no hamutuk
finansiamentu dahuluk ida ho dolár millaun 54.
"Projetu
ne'e [hadi'a estrada sira] permiti konstrusaun ba jerasaun foun ida
infraestrutura rezistente sira ba klima, ne'ebé aumenta konektividade nasional
no harii asesu di'ak ida ba saúde, edukasaun no serbisu importante sira
seluk", hatete hosi Rosenthal ne'ebé haktuir hosi komunikadu BAD nian.
Finansiamentu
adisionál sei uza hodi hadi'a estrada nasionál hamutuk kilómetru 97 resin iha
Timor-Leste iha ámbitu hosi projetu ida ne'ebé, iha totál, sei hadi'a estrada
kilómetru 170 resin.
Besik
80% hosi serbisu-na'in sira ne'ebé sei envolve iha projetu sei kontrata iha
zona sira ne'ebé besik ba obra sira ne'e.
Rede
hosi estrada sira iha Timor-Leste inklui estrada nasional kilómetru 1.400
resin, estrada distritál kilómetru 860 resin no estrada rurál kilómetru 3.000
resin.
70%
hosi estadu estrada sira nian hanesan aat tebes, ho estimativu hosi
Organizasaun Mundiál ba Saúde katak tinan-tinan ema na'in 190 mate iha estrada
iha nasaun ida ne'ebé iha populasaun hamutuk millaun 1,17 resin.
SAPO
TL ho Lusa
Sem comentários:
Enviar um comentário