DILI
– Kazu agresaun fiziku neebe mak halo husi membru Polisia Nasional Timor
Leste (PNTL) husi Unidade Espesial Polisia (UEP), hasoru membru F-FDTL iha
Tibar oras nee tama ona iha prosesu investigasaun nia laran.
Deklarasaun
nee fo sai husi Ministru Defeza (MD), Cirilo Cristovao, ba jornalista sira iha
Palacio do Goveru Tersa (17/05/2016) hafoin remata enkontru Konsellu Ministru.
Akontesementu
nee akontese iha loron rua liu ba no hau hanoin individu iha PNTL nia laran
neebe mak halo agresaun fizika hasoru membru F-FDTL nee ami forma ona konjunta
forsa ninian hodi halo investigasaun konaba kazu membru PNTL neebe halo
agresaun fizika hasoru membru F-FDTL,” dehan Cirilo.
Nia
hatutan investigasaun ba kazu baku malu halao ona tanba Maijor Jeneral, Lere
Anan Timur, hasoru malu ona ho Komisariu PNTL, Julio Hornai, hodi enkontru no
koalia konaba problema no wanhira identifika se mak sala maka sei foi desizaun
tuir ida-ida nia regulamentu, tantu PNTL nomos F-FDTL.
Iha
fatin ketak tuir ativista, Arnaldo de Araujo husu ba ministeriu kompatente atu
foti medidas neebe mak forte hasoru membru PNTL nomos F-FDTL, wainhira
identifika se mak sala tanba hahalok nee estraga imagen institusaun rua nee iha
publiku nia oin.
Iha
parte seluk wainhira koko atu intervista asuntu nee ba iha Ministru Interior
(MI), Longuinhos Monteiro, maibe nia rasik lakohi fo deklarasaun ou komentariu
konaba problema nee hodi hiit liman deit ba jornalista sira. Informasaun kompletu
iha STL Jornal no STL Web, edisaun Kuarta (18/5/2016). Thomas Sanches
Suara
Timor Lorose
Sem comentários:
Enviar um comentário