Polisia Gosta Baku Povu Tanba Laiha Sansaun Kriminal

DILI - Durante nee membru husi Polisia Nasional Timot Leste (PNTL) sempre halo agresaun fiziku ba populasaun sira, hanesan akontesementu iha Munisipiu Liquisa, konsege hakanek joven nain rua, tanba nee sosiedade sivil konsidera polisia gosta baku povu tanba laiha sansaun kriminal.

Informasaun nee fo sai husi Direktor Exekutivu Fundasaun Mahein (FM), Nelson Belo ba jornalista sira iha edifisiu FONGTIL (Forum Organizasaun Naun Governamental Timor Leste), Kaikoli-Dili, kinta (26/05/2016).

Tuir ami fundasaun mahein nia haree konaba atetude husi membru Polisia Nasional Timor Leste (PNTL) nian balun gosta liman no ain mamar baku ita nia populasaun sira nee tanba komandu rasik lafo sansaun kriminal ba sira,” dehan Direktor FM.

Direktor Exekutivu FM nee haktuir tan, konaba joven nain rua neebe mak membru PNTL tiru kanek nee governu liliu Ministeriu Solidariedade Sosial (MSS) serbisu hamutuk ho Ministeriu Saude (MS) atu haree joven nain rua nee ho diak tanba sira nee ema timor oan.

Iha fatin ketak, Presidente Komisaun B trata asuntu negosiu estranjeitu, defeza no seguransa, David Dias Ximenes katak, PNTL nee konstituisaun RDTL nee mak garantia tuir konstituisaun artigu 147, primeiru nia tenke defende legalidade demokratikadepois garante seguransa interna basidadaun sira nonok no labele tama partidu hanesan grupu. Informasaun kompletu iha STL Jornal no STL Web, edisaun Sabado (28/5/2016). Raimundo S. Fraga

Suara Timor Lorosae