Sarani Balun Muda Ba Relijiaun, Bispu Dili, Virgilho: “Ami Sei Serbisu Makas”

DILI - Tuir informasaun neebe mak media sira fo sai katak, sarani katolik balun husi suku Rai Hun Aldeia 12 Outobru postu administrativu Dom Aleixo, Munisipiu Dili, hamutuk uma kain V (5) muda ba relijiaun seluk.

Ba kestaun nee, Bispu Diocese Dili, Dom. Virgilo do Carmo da Silva, SDB hateten, sarani sira balun neebe muda relijiaun seluk tanba sarani sira lakomprende saida mak halo. Nia ladun koinese nia fiar mak nia labele hadomi nia fiar. Ema hadomi nia fiar mak tenke hatene mos nia fiar.

Nudar igreza ita laran susar tebes maibe papel nudar Bispu ami sei serbisu makas liu tan hodi hametin fiar sarani sira nia fiar liu husi katikeze,” dehan Bispu Dili, Dom. Virgilho ba jornalista iha Lesidere, kinta (26/05/2016).

Bispu Dili, Dom. Virgilho dehan tan, tanba nee mak sira sei esforsu hodi bolu labarik kiik sira hodi aprende katikeze no mos sira neebe sarani tia ona. Tan nee mak padre sira presiza organiza aktividade formasaun katikeze.

Iha fatin ketak, Padre Elisio Locateli hateten, sarani sira ohin loron barak mak lakoi ba misa tanba nee nia husu labele laran malirin no labele baruk ba igreza, tanba liu husi igreza atu bele haklaken fiar ba nai maromak. Informasaun kompletu iha STL Jornal no STL Web, edisaun Sabado (28/5/2016). Raimundo S. Fraga

Suara Timor Lorosae