TL Sei Bangkrut Kuandu Uza Nafatin Osan Minarai

QULICAI - Timor Leste (TL) sei bangkrut, kuandu kontinua nafatin uza osan husi minarai, tamba nee governu agora tau atensaun para komesa hadia ona non petroliferu, hanesan turismu no agrikultura, atu bele azuda fundu mina rai iha futuru.

Lia hirak nee hatoo husi Perezidente Republika (PR) Taur Matan Ruak, liu husi dialogu aberta ho komunidade Suku Laculio, postu Administrativu Quelicai, Kinta (26/05/2016).

Foin dadauk maka hau rona Ministeiru Finansas hateten katak ita tenki uza osan fundu petroliferu ho kuidadu, se la uza ho kuidadu nasaun sei bangkrut, hau rona ida nee hau kontenti tamba foin Ministeru finansas koalia liafuan ida nee,” hateten PR Taur.

Dalabarak ativista, ONG inklui komunidade sira kestiona makas konaba fundu petroliferu, mina matan balun komesa menus no maran, tamba nee hahu agora tenki uza osan ho kuidadu, nunee mos governu agora hahu ona hanoin atu investe iha area turismu ho agrikultura no sira seluk, atu nunee azuda ekonomia pais ida nee ba oin.

Tuir ativista Quelicai Jose dos Reis hateten husi Primeiru governu too VI Governu agora iha planu aloka orsamentu ba area turismu no agrikultura, maibe agora agrikultura komesa lao, konaba turismu sei pling plang hela. Informasaun kompletu iha STL Jornal no STL Web, edisaun Sabado (28/5/2016). Joao Anibal

Suara Timor Lorosae