GMPTL Promete Sei Kria Lei Kazamentu, Obriga Oan Kaben Sedu Tenki Prosesu

DILI - Grupu Mulher Parlamentar Timor leste (GMPTL) promete sei kria lei kazamentu sedu no Saude reprodutivu iha terseiru legislature, antes mandatu remata.

Tuir Vice Prezidente GMPTL, Albina Marcal hatete mandatu terseiru legislatura  besik atu remata ona, maibe GMPTL sei esforsu hodi halo aproximasaun atu hare ba lei Saude reprodutivu no kazamentu sedu.

Ami sei esforsu hodi halo aproximasaun esbolsu lei ba saude reprodutivu no kazamentu, Ami sei husik draff ida hodi kontinua iha mandatu tuir mai,” dehan Albina ba Jornalista liu husi konferensia Imprensa Kinta (22/09/2016) iha Salaun Delta Nova, hafoin Konferensia Nasional kona ba Direitu saude reprodutivu no Saude Seksual.

Nia hatete GMPTL iha ona planu kona ba lei saude reprotudivu neebe iha ona ajenda, maibe atu iha Parlamentu Nasional kuandu koalia espesifiku igualdade Jeneru parseiru mane sira komesa mear no bisu-bisu ba malu.

Iha fatin hanesan Provedor Direitus Umanus no Justisa Silveiro Pinto Batista hatete kuandu iha mane sira neebe mak obriga feto atu kaben sedu, tenki prosesa, hanesan mos inan aman neebe obriga oan atu kaben.

Nia hatete Timor Leste presiza halo lei kona ba kazamentu no mos defini idade kazamentu tuir konvensaun direitu labarik nian, sidadaun sira neebe mak tinan 18 ba kraik kategoria labarik. Informasaun kompletu iha STL jornal no STL Web, edisaun Sesta (23/9/2016). Timotio Gusmao

Suara Timor Lorosae