DILI,
(ANTIL) – Sidadaun hotu-hotu iha direitu ba seguransa no aisténsia sosiál
iha kontestu Lei RDTL, maibé lei pensaun vitalisia hatudu fali injustisa
sosiál.
‘’Situasaun
iha Timor, ema barak moris iha mizeria ka ki’ak. Tanba ne’e, grupu sira ne’ebé
moris liu fali posibilidade nasaun, la justu’’ Diretór Luta Hamutuk,
Mericio Akara ba ANTIL iha Salaun Veteranus, Taibesi, Kuarta (7/9).
Kuarta
feira hourseik, NGO sira hasai deklarasaun atu fó hanoin fali Parlamentu
no Governu atu luta hodi halakon lei pensaun vitalisia. Tanba lei ne’e la
justu.Deklarasaun konjunta ne’ebe asina husi individu, NGO, estudante no
públiku ne’e, iha tempu badak sei hato’o ba Parlamentu Nasionál no orgaun
relevante sira.
Nia
mós kritika kona-ba direitu atu ajuda labarik sira hetan edukasaun di’ak. ” Ema
hotu iha direitu atu hela iha fatin di’ak no asesu edukasaun di’ak. La’os
eis titulár sira-nia oan mak iha direitu ba livru, ekipamentu no eskola sira
ne’ebé di’ak hodi hametin nafatin siklu titulár sira nian iha familia ki’ik
sira nia le’et. Nune’e mós direitu atu hetan asesu ba saúde di’ak,” nia
dehan.(jornalista : Zezito Silva; editor: Otelio Ote)
Sem comentários:
Enviar um comentário