sábado, 8 de julho de 2017

ALKATIRI: Setor Agrikultura Iha Viqueque Presiza Politika Global No Plano Integradu

PARTILHAR
Viqueque - Vida ekonomia bazika ba populasaun Viqueque espesialmente Uatolari, moris hanesan agrikultor, tamba nee Presiza Plano Global No Integradu ida atu nunee prosesu dezenvolvimentu bele lao ho diak.

Rai Viqueque potensial tebes-tebes maibe politika dezenvolvimentu maka laiha, tamba nee, se maka atu kaer ukun te nki kaer ukun ho lolos, liu-liu ba iha setor agrikultura,” dehan Sekjer Mari Alkatiri iha Dialogu ho Komunidade Uatolari, Viqueque, Sesta (07/07/2017).

Atu Haburas Ekonomia, presiza hari ho objetivu, atu hari nia rain tenki iha Politika Global I Planu integradu ida. Maske iha potensial oin-oin, maibe to agora merkadu ba produto lokal laiha, hare mos kondisaun estrada difikulta tebes nogosiantes sira atu hetan rendimentu nebe maka diak.

Kestaun Seluk, hanesan Fahe Trator laos atu rejolve problema agrikultor nian maibe, governu tenki iha politika ketak ida atu responde ba iha preokupasaun refere. Governu tenki iha politika ketak ida, atu nune bele organiza populasaun servisu iha natar, liu –liu joven sira nebe maka hasai kursu agrikultura, bele halao servisu ho diak, laos fo deit enxada atu sira halo toos.

Iha fatin hanesan Aleixo de araujo saldanha, nudar kordenador Partidu FRETILIN, iha aldeia Matahoi Buka dalan, hateten povu iha viqueque maioria vida ekonomia hanesan agrikultor,no fila liman. EST2.

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: