sábado, 8 de julho de 2017

Lideransa Partidu Iha Komitmentu Asegura Estabilidade

PARTILHAR
DILI – Konsellu Nasional Juventude Timor Leste (CNJTL) liu husi Forum Komunikasaun Juventude Partidaria (FKJP), husu ba lideransa juventude partidu politik sira kontinua komitmentu garante estabilidade.

Tuir Prezidente Konsellu Nasional Juventude Timor Leste (CNJTL), Maria Dadi Magno katak, estabilidade importante tebes tanba nee lideransa juventude partidu sira tenke garante.

Husu lideransa juventude partidu siraatu asegura estabilidade no paz iha prosesu kampania, eleisaun no depois rezultadu eleisaun,” dehan Prezidente CNJTL ba STL iha Timor Plaza, Comoro-Dili, Kinta (06/07/2017).

Prezidente CNJTL, Maria hatutan, ida nee atu hatete katak oinsa mak direjente partidu sira apela ba sira nia militante no mos sira nia juventude partidu sira atu iha misaun importante atu asegura ba paz no estabilidade.

Iha fatin ketak, Eis Primeira Dama Timor Leste, Isabel Fereirra hatete katak, durante loron 10 nia laran nee, atividade kampania partidu politik nia lao diak tebes no laiha problema. Isabel afirma, durante nee partidu kiik ka boot sira halo kampania foka hotu programa lahatudu liman ba malu, agora povu matenek halo eskoilla tanba poder iha povu nia liman.

Entertantu, Director Exekutivu AJAR, Jose Luis Oliveira dehan, tensaun politika iha atividade kampania partidu politika nian nee laiha maibe akontese ambisaun ukun. Raimundo S. Fraga

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: