segunda-feira, 18 de setembro de 2017

Fretilin Latauk Eleisaun Antisipada

PARTILHAR
DILI  - Deseju Partidu istoriku Fretilin atu forma governu ida hamutuk partidu lima neebe hetan asentu iha parlamentar saugate deit ona. Partidu Fretilin tenke lao hamutuk deit ho Partidu Demokratiku hodi forma governu minoritariu, maske nafatin promove dialogu hodi tau aas   nasional.

Tuir Prezidente Parlamentu Nasional  (PN), Aniceto Guterres, iha formasaun setimu governu, partidu politiku sira dudu malu, hodi dudu partidu Fretilin ba rai naruk, eleisaun antesipada. “ Ami latauk eleisaun antesipada, mezmu nee laos hanoin neebe diak, ”  dehan Aniceto Guterres ba Jornalista Sesta (15/09/2017) bainhira remata seremonia tomada de pose ba VII governu iha Palasiu Nobre Lahane.

Nia hatutan situasaun hirak nee mosu, tanba hakarak okupa kargu, maibe  la hetan,  nunee dudu Fretilin ba rai naruk, Fretilin monu  ba rai kuak  “eleisaun antesipada” tanba partidu hotu  lao hamutuk hotu, maibe hanoin hanesan nee laos solusaun diak.


Maske nunee katak Aniceto, nuudar Prezidente  PN sei  halo dialogu hodi  intende malu husi privelejia parpol  hotu nian, harii, foti aas interese nasional, tanba eleisaun antisipada, karik iha partidu balu manan, ka la manan bain-bain. Maibe eleisaun antesipada tenke hare mos nia benefisiu ba povu, tanba oin atravesa eleisaun, agora atu halo tan eleisaun antesipada.

Nia hatutan politiku sira tanba kadeira dudu malu, hodi dudu Fretilin ba rai naruk, kuandu monu, eleisaun antesipada mosu.

Imi bele tau hela Fretilin ba rai naruk, dudu monu Fretilin sei dada partidu hotu monu, maibe laos ida nee mak ita hakarak, ita tenke uza ita nia matenek, ita nia hanoin diak atu bele tau interese povu nian mak aas liu, labele tau interese partidu no individu lider partidu nian,” komenta Aniceto.

Prezidente PN nee garante katak sei laiha ida sofre, maibe nee hanesan dezafiu ida, tanba nee hanesan prezidente PN, presiza ezersisiu boot, pasiensia, onestidade atu halo ekilibriu no dialogu ho partidu politik sira. Tanba haree ba opozisaun ho kadeira 35, koligasaun ho 30 deit, bainhira debate orsamentu, sei lafo impaktu, tanba votus nee deputadu nian laos partidu no bankada.

Karik vota kontra orsamentu, bele ba eleisaun antesipada, Fretilin latauk atu mosu eleisaun antisipada, tanba nee Fretilin lao ho PD deit mos avansa ba oin, tanba konstituisaun fo dalan bele forma governu minoria,” argumenta Aniceto.

Maske nunee Aniceto fiar partidu hotu iha rai ida nee hotu-hotu iha interese ka hanoin diak rai nee lao ba oin, laos atu marka pasu hodi ba fali kotuk. Maibe karik sira hakarak atu eleisaun antesipada hodi hamonu governu, partidu opozisaun sei vota kontra orsamentu, vota kontra programa governu, maibe nee laos dalan neebe diak.

Hatan konaba mudansa meja PN depois Partidu KHUNTO dada aan husi bloku koligasaun, Prezidente PN Aniceto Guterres dehan, Fretilin durante nee propoin atu aumenta tan vise nain 2 nunee bele too nain 4, maibe presiza muda uluk rejimentu, nee   hein rejimentu hotu foin bele hare. Tanba nee sei laiha mudansa ba kompozisaun meja PN, depois KHUNTO dada aan.

Politiku Fretilin nian hakarak introdus iha meja PN nian tenke iha reprezentatividade demokratiku, katak partidu neebe hetan asentu parlamentar nee bele tama hotu iha kompozisaun meja,” Aniceto relata meja parlamentu sei muda liu-liu vise prezidente sira bainhira iha alterasaun ba rejimentu. PN nia bankada parlamentares sira mos konkorda hanoin atu halo revizaun ba rejimentu PN. Tanba nee material neebe inklui iha revizaun ba kompozisaun meja PN, tanba durante nee vise prezidente nain 2 deit,” komenta Aniceto.

Iha fatin hanesan Reitor IOB Augusto da Conceicao dehan, mesmu governu nee forma husi koligasaun Fretilin-PD ho minoritariu, maibe fiar governu neebe lidera husi Mari Alkatiri, sei halo esforsu envolve partidu seluk hanesan CNRT no PLP no Khunto, tanba nee governu agora bele sai governu insidensial, hodi nunee bele haforsa governu too tinan 5, tanba nee presiza apoiu husi partidu politik sira neebe hetan asentu parlamentar.

“Governu minoritariu bainhira iha debate orsamentu dala 2 tuir-tuir malu  la pasa, entaun fo  ba partidu segundu mais votadu, maibe ba mak lakonsgue tan, entaun ba fali iha eleisaun antesipada nee tuir lei neebe iha,” Reitor nee fiar PM agora sei esforsu makaas atu governu bele dura ba  tinan 5. 

Justinho Manuel – Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: