DILI,
(TATOLI) – Primeiru Ministru, Mari Alkatiri hateten sei lori lia nain sira
hosi munisípiu 12 no rejiaun Adminsitrativa Espesiál Oe-Cusse Ambeno atu
hamulak hodi loke hikas dalan ba túr iha Palásiu Governu.
Desizaun
ne’e nia foti relasiona ho juramentu ne’ebé nia halo iha 2006 hodi jura sei la
túr tan iha Palásiu Governu nu’udar Primeiru Ministru.
“Ha’u
hakarak lori lia nain sira husi munisípiu hot-hotu no rejiaun autonomu espesiál
Oe-Cusse Ambeno para loke fila fali ha’u nia juramentuʺ, dehan nia ba jornalista sira iha Palásiu
Nobre Lahane, ohin.
Primeiru
Ministru hahú ohin uza Palasiu Nobre Lahane hodi halo enkontru ho membru
governu hanesan servisu ba loron da-uluk governu da-hituk nian.
Ministru
Prezidensia Konsellu Ministru, Adriano do Nascimento, Ministru Saúde, Rui Maria
de Araújo no Ministru Defesa no Seguransa, Agustinho Sequeira Somotxo maka halo
enkontru da-uluk ho Primeiru Ministru, Mari Alkatiri.
Jornalista:
Agapito dos Santos | Editora: Rita Almeida
Foto:
Primeiru Ministru, Marí Alkatiri bainhira halo konferénsia imprensa hafoin
tomada pose iha Palásiu Nobre Lahane. Foto Tatoli/António Goncalves
Sem comentários:
Enviar um comentário